车婉婉儿子为考小学挨足年半　“向所有升小父母小朋友致敬”

香港读书升学压力出名大，如要考直资私立学校，K2下学期人仔细细只得4, 5岁，就要独自面对残酷的考小学面试。车婉婉儿子BBQ车浚义，是应届升小学生，为时一年半“考小”经历令她筋疲力竭，写下长文：“向所有升小一父母和小朋友致敬。”

车婉婉表示近来心情是一言难尽：“Q MaMa系一位所谓食全餐嘅MaMa-由考直资去到最后叩门，对于一位Working MaMa 嚟讲，搞考小一呢单大project已经好劲，仲要入直路呢两个月Q MaMa开剧，真系连觉都无乜时间瞓，而呢段等搅珠搅叩门嘅时间又实在系好紧张同好紧迫……”更令她担心的，是儿子情绪原来一样有困扰。

“大多数同学仔都知道自己下一步去边，日日返学原来会倾，而BBQ比同学仔问到嘅时候，佢系无答案，有少少hard feeling，佢有一日返屋企问Q Mama，自己小学会去边度？同边个一齐去？ 系咪无人要我呀？”令车婉婉非常心痛，直到收到心仪学校叩门成功消息：“响收电话𠮶一刻，D眼泪不自觉地涌晒出嚟，可能你会觉得“洗唔洗呀？”原来洗㗎！当你有小朋友就会明白。升小过程，真系令父母同埋小朋友都好消耗，对Q MaMa嚟讲，系攰过开十晚通宵加埋开十场演唱会嘅。所以，真系要比好大力嘅掌声比各位家长，仲有最大力嘅掌声比毎一位小朋友。”