灵戏逼人｜阮嘉敏鹌鹑样原来系参考《大时代》悭妹：试咗两个月

阮嘉敏喺新剧 《灵戏逼人》中将与吴子冲有感情发展，自出场后，其“若琳式”含羞答答样及“Gfable 七式”成不少网民讨论焦点，对此Mandy表示：“我有参考《大时代》入面周慧敏演嘅悭妹，学吓啲小动作同眼神，再喺屋企对住块镜练表情同阴声细气讲嘢，试咗个零两个月我自己都接受咗喇先去演。同埋我身边咁啱有朋友个妹都系内向啲，我去佢屋企‘偷师’，佢阿妹真系唔系点郁，同埋我试过同佢倾偈，佢真系唔系好敢望我。”Mandy又笑指朋友都喜欢剧中的她：“佢哋觉得我平时嘈啲，好想我安静。”

Mandy又指十年前因做模特儿已与吴子冲相识，并谓因为双方有“朋友底”，故此演绎“含羞”场口时才不致太紧张：“其实真实嘅我唔怕丑、唔怕事亦唔内向，对住钟意嘅男仔我会采取主动，呢个角色真系完全唔系阮嘉敏嚟架，所以出街前我都好担心演得唔似。真系好多谢监制Simon，呢个系我喺公司咁耐第一套比较多戏份啲，同埋我唯独冇做过咁怕事内向嘅角色，自己都冇谂过做得到，好多谢Simon畀机会我试。”Mandy又预告本周稍后剧情若琳将为杰仔更“黐线”和“豁出去”：“大家到时要留意呀，我自己都钟意呢个角色，因为几浪漫。”

昨晚另一抢焦位落在之前凭剧集《黯夜守护者》演出赢尽关注的杨凯博。童星出身的杨凯博，曾演出不少无线剧集包括《特技人》、《城寨英雄》、《降魔的》及《逆天奇案》等。在《城》中饰演陈展鹏童年的凯博，自小热爱武术，并曾于武术比赛中勇夺全能冠军。昨晚，剧中饰演粤剧团兴趣班同学的凯博，上台表演耍缨枪，虽然只是很短时间，但尽显身手及功架。凯博透露自幼习武也是最擅长刀棍功夫，故对拍摄有一定帮助。问到耍棍心得，他则说：“要练得好，我个人嚟讲觉得关胆量事，我𠮶时有同其他人一齐学，但有啲人打得特别型同快，因为佢转得快，但咁样打到自己嘅机会亦会大。但我由细到大都比较细胆，所以我转嘅棍花相对就慢，专业嘅人睇落去会冇咁靓。”凯博又笑指拍摄《灵戏》其实很考验体能：“好多场戏我哋都要受训，又要大动作、又要追车跑步练气，𠮶时仲要大热天时，都会有少少辛苦，但系少少啫。”