全民造星5｜Lyman攞冠军有咩奖品？ 花姐笑指是$40万发型屋礼券

花姐一向是《全民造星》系列灵魂人物，但她今季退任监制，只出任决赛评判。节目开播以来闹出不少是非，有观众归咎于剪接问题，被问起剪接是否不够好，花姐说：“嗱，唔够我好我认嘅，因为我真系一个好出色嘅监制，鲁生（鲁庭晖）一定要加我人工！”

早前《造星5》总导演曾伟乐撰长文爆节目内幕，花姐承认幕后人员确实不应这样做，理应保持客观，所以自己得知后都即时致电宝姐，但她也理解导演不止当这是打份工，而是与相处半年的参赛者有感情，有私人情绪，自己过往做监制都会有偏帮某些参赛者，何况曾伟乐经验还比她浅。“可能𠮶时有参赛者佢迟到、态度唔好，我会避咗冇剪，唔想破坏佢哋形象，咁呢啲叫唔叫偏帮？都算啦，我都X街啦应该。当然我有反省，第二年我有小心咗。”

至于白水称自己遭导演爆粗欺凌时，花姐起初不太清楚，以为他是被导演用粗口闹，花姐即时爆粗：“X！我唔系特登讲呢句粗口，但系咪个导演都系好似我呢啲人咁样，粗口当平时啲口头禅。（佢改白水个名做粗口。）系咪讲笑咋？（白水有表示唔舒服。）白水唔好嬲，妈妈锡返，我好钟意白水㗎！”她赞白水虽迟钝，但从眼神中感觉到他很喜欢表演，而且为人真诚。

被问起今季得奖者到底会有什么奖品，花姐笑指如节目宣布是$40万发型屋礼券，讲到参赛者会否组团或单飞，花姐表示：“我都好关心呢件事，因为我惊MIRROR受到压力，所以都会追问，但系呢个系商业秘密，咁就唔话畀我听。”她透露自己支持亨仔（陈镇亨）和王锋，自己都有同王锋讲加油，“有时可能系剪接问题，大家未必睇得晒成个Story，误解咗呢个人，令到佢俾人闹，其实好惨。佢都系啱啱入呢行，可以留条路俾佢行吓。”