陈柏宇英国影结婚相乘机shopping　大男人唔会帮老婆拎手袋

“2017华语金曲奖颁奖礼”今年将于8月9日假湾仔会展举行，今日就率先在尖沙咀笔紧启动礼，出席的歌手包括草蜢，太极，陈柏宇(Jason)，林奕匡(Phil)，黄浩琳，陈明熹等。

其中Jason早前和未婚妻符晓䉠到英国影婚纱相，他笑言除了影相的几天，其实日子都主力Shopping，不过并不是每次Shopping都一齐：“唔一定一齐shopping先开心嘅，同我一齐shopping好闷，佢睇女仔嘢，我畀意见又唔系，唔畀意见又唔系。”

Jason直言平日都好少和未婚妻Shopping，就算出街都好少会帮对方拎手袋：“我平时都唔帮佢拎嘢，自己买梗系自己拎架啦，除非买到成手都系，帮佢拎就冇问题，但我不嬲都唔会刻意攞手袋，你买个手袋都系攞嘅啫，冇理由要我攞㗎，我系小大男人，但我好就佢，啲尊严摆得低就摆低。”

他又讲笑话未婚妻好“白痴”，连绑鞋带都唔识：“我系条街踎喺到帮你绑我冇问题，佢唔识吖嘛我冇办法啦，佢白痴㗎，我会话你依家唔识绑鞋带，第日个小朋友唔使识㗎喇㖞，佢话都系你绑啰，又啱㖞。”

另外，Jason今日刚在上网放了新歌Teaser，内容只透露了今次是Jason和黄伟文首次合作：“有小小预告畀大家睇下，好秘密，公司叫我帮手post但唔好穿歌名，只可以讲同黄伟文合作。”他又表示之后亦会有一首为结婚作的歌，自己亦想再写一首：“但我个首十划未有一撇，后补先写啦，做啲行系咁。”

同场的师弟Phil亦将会迟Jason一个月，在8月结婚，Phil表示未婚妻已经飞到加拿大筹备婚事，问到两位准新郎哥可有交流下心得?Jason笑言未结好难分享：“依家唯一心得就系可以唔使话事咪唔好话事啰，对女士讲嘅系，你话事唔紧要，但唔好样样都冇意见啰。”