女友家属被网媒指在灵堂上冷待Nathan 亲友澄清：呢件事冇发生过

Nathan（魏念恩）女友Jessie今年五月高处坠下离世，虽然Nathan有在IG Stories发文，但对事件没有详细交代，而死者家人及朋友，因为Jessie离去及网上恶意中伤，令他们心情大受打击，除了家属外，Jessie朋友亦希望大家了解事件真相，因此接受了《香港01》的独家访问，她说：“我而家需要还返清白畀Jessie，网上出现咗好多谣言，唔真实报道，好多恶意批评，但Nathan由头到尾都无解释过呢件事⋯⋯”

除了为Jessie解释外，Jessie朋友亦知道Jessie妈妈想Nathan亲口对她道歉，她说：“Jessie妈妈唔奢望Nathan公开道歉，佢由头到尾都无谂过，但系佢好想Nathan同佢讲一声对唔住，因为我个女𠮶一刻系同你一齐⋯⋯我个女系特登揾你。”

除了希望Nathan向Jessie妈妈说句对不起之外，还有一件事令Jessie亲属朋友不满，是设灵当日有一网媒突然出现采访，更刊登Jessie灵堂外照片，这举动他们觉得极不尊重，Jessie朋友说：“如果喺冇家属邀请及允许之下，即使只系影灵堂出面，都系对死者极不尊重及极不礼貌的行为，同埋系一个几侮辱嘅行为”

而且该报道的用词家属觉得绝对失实，她说：“记者篇报道写‘家属觉得Nathan虚情假意，拍拖多年女友提出分手，丧礼当日与家属零交流’我喺照返𠮶篇报道读出嚟，首先家属由头到尾一句说话都冇讲过，Jessie妈咪一直冇憎恨过Nathan，同埋佢哋拍拖一年都未有，同埋睇返所有record系Nathan提出分手， 同埋分手呢件事系，5月6日即时话我听佢被人踢出门口，我问佢做乜，佢话同Nathan闹交⋯⋯之后同佢（Jessie）讲，我地不如冷静一下先，以我哋所知‘冷静一下’唔代表分手系咪？”

而最令Jessie家属不满是被指与Nathan零交流，Jessie朋友续说：“我哋有叫Nathan攞返Jessie嘅嘢俾我哋，电脑、游戏机𠮶啲，佢有拎过嚟，仲攞住紫色嘅花，佢自己一直抱住膝头哥喺度喊⋯⋯我系踎低问Nathan‘你系咪想俾扎花Jessie’，佢只系喊住咁岌头，冇望过我嘅，我就出于好意问佢‘不如我帮你献花好吗？我帮你俾Jessie睇睇然后摆上灵堂前面’佢继续岌头⋯⋯之后我见到Jessie嘅姨姨，亲自带Nathan去瞻仰遗容，因为姨姨觉得Jessie好想见佢，Jessie知佢嚟一定好开心，因为Jessie世上唯一嘅遗念都只系Nathan，咁我就想问报道‘丧礼当天与家属零交流’呢一句说话系边个同记者讲？同埋记者当日点会知丧礼入面发生咩事呢⋯⋯点解记者讲到件事好真实，讲到Jessie家人好憎Nathan但呢件事系冇发生过嘅。”

除了媒体失实报道，Jessie朋友亦不解，为何Nathan要女友“隐形”，营造单身效果，男方更指是公司压力，她说：“Nathan一直同Jessie讲，唔可以公开自己有女朋友，但呢个一直系我疑问，点解咁多届《全民造星》所有有伴侣嘅人，都好坦诚自己有男女朋友嘅时候，点解唯独你自己一个唔可以公开你有女朋友？究竟呢个系ViuTV唔俾你做？定系你一直都唔想畀人知你有女朋友？”