姜涛为绯闻感无奈　入行已经预无私生活：我份人工包埋㗎嘛

最近忙于准备个唱嘅姜涛，今日去到商台接受Do姐（郑裕玲）访问，节目中，姜涛一身黑衣更显得佢瘦身成功。他表示本身唔信风 水命理，但今年是非多到自觉犯太岁，他又表示本身对报道没有太大感觉，但如果提及屋企人或工作人员，就会感到十分抱歉。“我入呢行某方面系预咗，我觉得我份人工包嘅，无论点评论或攻击，但有时有啲无辜嘅人被无嘅事情影响，我真系会有啲内疚。”Do姐问到工作人员是否包括发型师，姜涛无奈苦笑，解释与每一位工作人员都是如此相处。

“但可能人哋生得靓啲、高啲……即系我觉得你会影响到人哋之后嘅生活，因为佢唔系只系做我一个，佢可能仲有本职嘅工作，我就会觉得好内疚。”姜涛又指报道中不少照片都是从公众场合所拍。“我既然无，就唔惊，但我而家都会知道，身为公众人物都要收番埋自己多啲、多啲注意，都系𠮶句啦，我份人工包㗎嘛。我知道做artist某方面系无私生活可言，我知道呢个道理……所以自己各方面再进步啲。”Do姐安慰姜涛唔好因报道而感不快，否则就会中陷阱，姜涛表示由年头开始已学会接受所有评论，但问到现时是否开心，姜涛就话：“ok啦， 一般。我唔可以呃大家我今年会好开心，但我朝令我开心嘅方向行。”

节目中，姜涛又透露了准备个唱的过程中，获一位前辈帮手。“佢系一个……我谂如果大家佢帮我的话，大家都会好开心同惊喜，喺舞蹈方面，呢个真系大师级，佢帮我做编排，佢开头都系唔得闲，但之后都好好地抽时间帮我，好完美地match水呢个主题。”之后Do姐又问姜涛的体重，提醒他要保持心境开朗，否则又会曝食，姜涛表示：“而家渐渐地𠮶种唔开心嘅程度，令我连食嘢都唔想食，以前食嘢会开心啲。（你好受人影响？）冇办法，做呢行。”