【不懂撒娇的女人】任哥后生系巨胸Model　24年前已同林文龙合作

潮流兴大叔控，只要你够型，后生女一样俾like，好像《不懂撒娇的女人》剧中的袁文杰，身高188cm，oppa身型当然吸引丝打，除了他之外，剧中饰演任哥的55岁林伟，亦被盛赞keep得好，原来林伟后生是一名模特儿，还为《号外》拍过写真，亦和黄德斌一齐参加过亚视举办的《香港超级模特儿大赛》，林伟接受《香港01》访问时说:“拍写真𠮶阵23岁啦，𠮶阵胸肌38寸、30寸腰，举哑铃，举到120磅，10下一组㗎，依家唔得喇，太大旧着西装唔好睇，而且都冇咁好力啦。”

林伟今次在剧中演CEO，经常受到田蜜（高海宁饰）诱惑，不过林伟表示现实中如果遇到田密这种女人，最好掉头走，他说：“呢个世界冇免费午餐，呢啲女人咁有心计，食咗你都唔知，见到好掉头走，一定冇好嘢。”不过林伟对自己的演出就不太满意，他说：“我返嚟无线后一直都系做坏人，监制话你唔系咁局限㗎，试下啦，佢俾好多信心我，其实我睇返自己觉得好差，俾我再做一次一定更好。”

林伟2012年经监制关永忠介绍回巢无线，多演奸角、黑社会大哥，堪称御用奸人，不过在93年《都市的童话》，林伟在剧中是第二男主角，第一男主角就是林文龙，现在二人在《不》剧再度合作，戏份有所不同，但林伟看得开，他说：“自己要放下身段，我觉得戏冇分㗎，系teamwork嚟，无论主角、配角、甚至临时演员都要出力，咁套戏先好睇，自己细𠮶阵年少无知，以为机会随时有，唔识珍惜，拍完《都市的童话》就去咗台湾，点知当时兴闽南话嘅剧集，结果就发展麻麻。2012年监制关永忠介绍返嚟，我记得4月16日签约，17日就即刻为《雷霆扫毒》开工。”

林伟身高178cm，加上当过模特儿，不少人都以为他是花心男，但他表示自己一啲都唔花心，他说：“我绝对唔系啰，后生𠮶阵就…..唔好提喇，（有冇男仔追过你？）有啲话对我有好感啰，我会同佢哋讲我钟意女仔，唔好意思…哈哈，（咁女仔追你呢？）依家冇啦，就算有同佢哋讲我搭巴士㖞，你点会同我迫呀？（女仔话唔介意呢？）咁我话我介意啰，我有女朋友喇。”所以话外表不是一切，靓佬不一定是花心的。