《警讯》坚哥御用女友正职系化妆师　专演受害人：现实中我好醒㗎

最近人称“警讯坚哥”因为高空掷物一案饰演拜金老窦，而声名大躁。如果大家留意的话，《警讯》的御用演员除了坚哥之外，还有自称“老板娘”的Toby。Toby就与坚哥相反，大多数就做开受害者，《香港01》就此问过Toby，她笑说：“曾经都收到啲假嘅入境处电话......其实我个样生得比较善良， 所以多数做畀人呃，但现实生活中我好醒目㗎！”Toby的外貌不止善良，其中一集她饰演老板娘，要当街发火，就被网民大赞：“发火都发得靓过人。”听得Toby都非常开心，仲话要多谢网友。

Toby之所以成为《警讯》的“御用受害人”，源于警讯之花Heily介绍入行：“当时谂住试下玩下，我自己都有正职系做化妆师，当多份part time ，而家已经入左港台3年几。”近期网民多了留意《警讯》及一众演员，睇完都话剧情好笑，Toby笑言拍的过程都有相似感觉：“我有时自己睇剧本都忍唔住笑，拍个时都要忍住笑，好多时我地都会拍啲搞笑剧情，希望观众睇得开心，又容易入脑， 慎防受骗。”Toby目前都好享受在港台拍警讯，仲话有机会都想做全职演员。

Toby与坚哥合作无间，今次做对方个女，上次就做对方条女，但系坚哥有家室㗎㖞，怕唔怕坚哥老婆呷醋呀？她说：“唔会怕佢老婆呷醋，我都识得坚哥老婆。”明白要亲热都是剧情需要，而且Toby大赞对方是好前辈：“我同坚哥应该唔算萤幕情侣呀！话晒佢今次都做我老豆。不过又唔会闷，每次拍摄过程我地都好开心，坚哥系好好嘅前辈，不时都会教我哋做戏，点样可以系短短几分钟嘅片再做好啲，所以每次拍摄都有收获，绝对唔会闷。”相信经过今集《警讯》出街后，将来会有更多人留意他们。