全民造星5 |做工佬Ritchie爆冯颖琪评价　网民力撑：估唔到咁离谱

《全民造星5》昨晚（26日）播出一集，由做工佬Ritchie对Taco，一个唱一个rap，最后做工佬以3比2出局。节目播出后，唔少网民都为做工佬感到不值。

Ritchie其后在IG直播时，除透露本月20号喺香港busking，亦分享了落败嘅终极原因。他表示至今仍记得5位评判对佢表演嘅评价，冯颖琪嘅理由系因为她在第四轮比赛（30强进20强）时，将神圣一灯给了蕾安A组嘅《Lolly Rock－三分型》，而非Taco所属嘅Fung莎D组《E-mo间 by 萨克迈衣毛》，因而感到十分抱歉，所以喺今次个人战上，如果Taco做得好，就会补返一灯畀佢。至于泳儿嘅评价系十强当中，无咩Rapper，认为观众想喺总决赛中，会想睇rap多啲；而陈咏谦虽然有畀灯Ritchie，但佢嘅原因系“Taco出去到有更多舞台，而Ritchie只得呢个机会”。

对于呢盏同情灯，Ritchie坦言感到唔开心。不过最令佢唔开心嘅系几位评判都赞佢唱得好好，但另一边厢又认为佢最后打鼓部分影响了整体表演。Ritchie指整个表演，事先都有同冯允谦、韦罗莎沟通，二人亦提供了不少意见，最后得到如此评价，心情难以平伏。另外，Ritchie又指韩国选透节目嘅评判多数由头带到尾，《造星5》换上多位评判，对方根本不会知道他们有否进步或付出多少。Ritchie于直播公开评价，但亦都戴定头盔指如果有记错，欢迎各评判提出。不过未知是否受压， Ritchie其后将已上载嘅直播片段删除。