詹瑞文剖白丧偶心情 忍著泪说：我哋两个一齐嘅时间点解咁短

今年4月，57岁詹瑞文（现名詹昊宸）的太太Amanda不幸离世，但詹瑞文一直未有回应。昨日在他的YouTuber频道“詹sir 搞乜鬼!?入嚟倾下计《詹sir Coffee Chat》同你讲“故”谈“心””，深情剖白失去最爱的沉痛心情。

詹瑞文在片中对Amanda推崇备至，觉得对方除了成就他的梦想之外，更是心灵伴侣，他说：“我其实认识佢20几年⋯⋯当时佢做我公司嘅艺术行政，当时我公司得三个人⋯⋯经过咗一段时间喇，我哋系感情上面决定一齐，其实⋯⋯我知，但佢平时成日都唔讲，其实佢都辛苦，辛苦系咩？你都知媒体㗎啦，媒体会点样好负面咁描述我同佢，呢个就系人生嘅选择，我好欣赏佢，佢又好欣赏我，咁我又处理好，我要处理嘅嘢，咁我哋咪一齐去生活啰，而好多时媒体好负面去写佢嘅时候，我哋有啲好好嘅朋友，问佢点算呀？系咪要表达一下？我好尊重佢，佢就会讲‘唔紧要啦，我好清楚我做紧的乜嘢’如果我去回答呢，我反而系进入咗𠮶个幻象里面，所以佢系好聪明，我系好敬佩，反而有时我戥佢唔抵，我好想表达，但系我又尊重佢，如果我一表达，媒体又会将呢件事⋯⋯可能更加差。”

詹瑞文向蒋怡谈起Amanda时，言语间已透露自己不舍之情，说到与Amanda最后四个月，詹sir终于忍不住流眼泪，强忍泪水说：“我好感恩人生里面认识到佢，同埋一齐生活𠮶十年，每一天都咁浓烈⋯⋯有一瞬间，我会觉得点解咁短？我哋两个一齐嘅时间点解咁短？可唔可以⋯⋯长啲呢？”

虽然失去最爱令詹瑞文大受打击，但他已学懂将情转换，令自己过积极人生，他说：“首先啲人会讲啦，詹sir你咁伤心，一个对你咁重要嘅人走咗喇，我会点呢？好多人会关心，我会唔会好颓废呀？我觉得我好识take care我自己⋯⋯系呢四个月，我学到嘅系用爱，爱咩呢？爱我自己啦，爱我同佢认识嘅朋友啦，同埋亲人、所以我基本上用感恩，嚟到去将自己嘅悲伤缓解嘅⋯⋯”