全民造星5｜王锋亲揭改舞步原因　乐庭、白水、阿泽止步60强

《全民造星5》今晚（12日）继续进行第二回合嘅自选项目对决，不过当导师韦罗莎睇到fung莎星辰D组以2比3落败后，情绪十分激动:“我真系唔明！我哋作出新尝试，如果你话冇共呜……maybe。可能系同观众未有太多共呜，我同意，但系其他嘢，佢哋系 ……”

之后喺录影厂迎接组员时，连向来都好好脾气嘅冯允谦都有火，他认为评判只讲求共呜，但应该要睇整体表现，又赞组员已使出浑身解数，再加埋跳舞，但评判都系唔满意。“Jake为咗呢个表演写呢只歌，但完全冇加分，对我嚟讲系完全唔合理。好睇在你见到每位参赛者有转变，呢个就系惊喜，佢哋真系做得好好。This is bullshit。”

见到组员同自己道歉，Rosa再次爆seed，并直斥：“唔知佢哋则准喺边！佢已经讲得出你哋表演系好好，几乎个个都咁讲。我对呢个结果好嬲，因为唔合理，我唔理解佢哋点判断。”因小组落败而被fuol嘅Jake Wong亦似乎唔满意:“赢输结果唔系好满意，但对foul呢个结果系满意，始终呢个表演主要系我构思，应该为件事负责。”最后一组嘅自选项目对决，蕾安多芬A组以5灯赢fung莎星辰，令小组成员Aaron即时出局。

第二回合对决完毕，fung莎星辰出局成员包括：乐庭、Cho Lewis、Jeffrey、Nick Kung以及Chit；而蕾安多芬出局成员包括：阿O、白水、阿泽、Moley、MK、Philip同Andy。阿泽喺接受单独访问时表示：“我好担心你会转牛角尖，令你唔易接受新事物，有啲路其实你系可以行得更好、更charm。我觉得我同王锋唔会影响到关系，起码at least我好care佢感受，所以我第一时间都系打俾佢先，不过我而家未揾到佢。”

自从上星期王锋、阿泽事件后，网民疯狂批斗王锋，而节目今日亦终于播出王锋嘅解释：“可能我系第一次做队长，𠮶下我身负重任，所以同佢一齐跳舞，临时改动咗少少舞步，我之后都有keep住同佢讲返对唔住，喺呢度想同阿泽讲多次对唔住。”不过节目播出后，有网民发现王锋单访时嘅衣着打扮并非小组比赛时嘅打扮，认为系补拍； 亦有网民认为既然两位当事人已经解释，事件可告一段落。