尹光品评“AI尹光”唱腔　一个原因同真人无得比

现年74岁、拥有庙街式的独特唱腔的尹光，近日成为“AI歌手”的新目标，由AI尹光翻唱林家谦《一人之境》及姜涛《Dear my friend》，引起网民热烈讨论，被誉为“超越原唱，姜涛林家谦要学嘢！”

尹光在Facebook 表示呢两日收到大家好多讯息，“多谢哂大家！ 💞尹光始终系尹光 ✌🏻😎”今日接受《香港01》电话访问，他表示听过AI尹光的歌声后，觉得声有少少似，但缺之情感，他说：“好唔好听见仁见智啦！AI系电脑做出嚟，梗系冇真人唱咁好感情啦！（AI有冇庙街嘅孤独感？）我冇感觉呀，得个听字，声少少似啦，感情肯定冇架嘞！”

对于《一人之境》在Youtube上载五日已有65万点击，问到可担心AI歌手抢饭碗？他说：“咁多？若果我开演唱会，大家钟意听我就会唱，我会唱返尹光Style，唔系依家呢个style。我哋系人有血有肉咁唱出嚟，佢AI只系电脑做出嚟，点同呢？”

尹光可说是地道谐趣口水歌之祖，6、70年代已模仿新马仔、任剑辉的歌曲，他说：“我哋以前系真人模仿，依家就电脑模仿口水歌，大家都系要与时并进。”尹光表示自己每日会练声一小时，访问时声如洪钟说：“希望我健康啲，唱多啲歌畀大家听，我要日日练声架，每日一小时，荷里活有间大酒店......好似人做运动咁，冇声上到台唱歌好肉酸。”

尹光将于7月10日在文化中心举行粤曲演唱会，跟6位靓花旦合作，但因为与时代歌曲格格不入，相信到时不会加唱《一人之境》。不过，尹光就好乐意跟年轻一辈歌手合作：“后生如果肯同我合唱，我仲好开心添，唔介意呀。有啲后生歌手想同我Crossover，我就一定会唱。（钟意边个？）边个都得，最紧要有尹光！”电话中的尹光，表示没有《一人之境》的歌词在手，所以未能即席哼几句，各位乐迷仍需努力集气！