李婉华唔介意同王晶摆“和头酒”：可能佢更年期生理调节得唔好

李婉华日前返港为其个人频道拍摄港式地道美食节目，今日（12日）带埋19岁女儿Natalie跟传媒朋友茶聚，李婉华爆囡囡好多人追，囡囡则视妈咪为偶像，更即场锡啖妈妈，场面温馨！

婉华透露好想挑战香港名物“澳牛”，搞笑指不少街坊认得她，更不断重提她的前男友。此行，她亦会相约好朋友黄秋生、陈嘉容等聚旧，提到近日因为批评王晶监制新剧《一舞倾城》以“卖处”作卖点，辣㷫对方隔空开火，就连女儿亦无辜被拖落水。

李婉华表示无嬲王晶，感激对方连“四线”演员都邀请她拍戏，笑言不介意一齐食饭摆“和头酒”，她说：“如晶哥ok咪得啰，都系朋友嚟。（冇嬲？）我梗系冇啦，佢唔系剩闹我，佢个个都闹，佢好似呢排好钟意闹人，闹人佢又变咗有人气，哈哈，唔知呀，现在观众反应好两极，好唔好都有人闹，现在要睇开啲。”

对于被人身攻击？李婉华亦感无奈：“系啰，点解要咁样呢，呵？可能佢唔想，可能佢突然生理调节得唔好，男人都有更年期，可能佢都唔想。我都体谅，好大方。”她表示自己太忙，未有追看全套剧集，但透露收到《一》剧编审主动联络，表示感激她与林子博等人以观众角度给予意见，她说：“我觉得呢个位编审好大方，佢系想进步，我觉得大台有呢啲咁编审系佢哋福气，佢哋尊重所有人意见，我哋都系其中一个观众，畀意见系善意，接受咪进步，好humble（谦逊）。”

对于王晶质疑既然已移民就不应该关心香港事，李婉华一脸认真反驳：“其实海外观众，我哋都系香港人，只系好多原因，出咗去住，绝大部份系因为小朋友教育读书，唔系话外国特别好，只不过系冇咁辛苦，呢个希望大家明白。话你都走咗，其实冇走过，身躯不在港，但好爱香港！香港嘅教育制度，就好似阿妈都要读埋，放工返去一齐做功课，𠮶边真唔使，当然受到压力教育留底都好，香港学生乖啲，外国学生自由自我啲，咩都讲道理，冇咩尊师重道，你道得有道理就听。而香港年青人去到外国好吃香，两文三语、勤力谦虚，好多竞争力，自己都好proud of自己系香港人！”

已息影一段日子，但李婉华表示仍有戏瘾，除19岁大女之外，还有一对13岁孖仔，但他们已经长大，如时间配合亦不介意复出演戏。问到想返娘家无线，还是与她的偶像Alson Lo合作？李婉华即冧滋滋笑说：“咁梗系靓仔行先，姨妈？姑姐？表姐就太睇得起我，阿妈啦，我都生得佢出，戏份又唔使太多。咁我个样似Anson Lo定姜涛我都钟意，或MIRROR任何一位成员。”