专访｜谭伟权一度生活艰难险患心理病　认人工低：我觉得都系事实

出道32年的谭伟权（Gary）最近宣布与无线（TVB）约满离巢，效力至今已10年，现时他仍有一套电视剧还没有播出，就是由陈家乐及陈晓华领衔主演的电视剧《异空感应》。Gary在接受《香港01》专访时透露现时会专注表演舞台剧《我们的青春日志》：“我自己就好钟意舞台剧，好想将佢普及化，带畀香港观众去认识。咁而家就可以多少少时间去专注，唔代表我唔去做其他嘢。”早几日，Gary更打破舞台剧生涯自身纪录，同一个角色连续做咗200场。

Gary曾两度与无线合作，分别在1993年至1999年，离开14年后，他在2013年再度与无线签约，效力至今已有10年时间：“我读演艺学院嘅时候未毕业之前，我已经系帮TVB去拍实况剧集、音乐节目等等，毕业后我去咗香港话剧团度做全职演员，因为一套《我和春天有个约会》嘅音乐剧，我就被邀请去casting，佢哋就揾咗我去做儿童节目《闪电传真机》主持人，其实我一直都有做舞台剧。”他表示当时因为希望更加专注舞台剧才离开TVB。

被问到为何时隔14年再度与TVB合作，Gary坦言当时经常担任儿童节目主持人，因此有固定形象难以饰演其他角色，所以他决定离开TVB，并专注舞台剧，希望转换形象：“去到2013年𠮶阵，我觉得系时候可以再入屋，所以我就尝试做呢件事。”

不过在这10年间，Gary主要饰演的角色都是反派，因此他希望可以挑战更多有趣的角色：“同啲导演倾开，佢哋话我个样似一啲亦正亦邪嘅人，开头做嘅时候都有趣嘅，但系做得多嘅你就会⋯⋯（你唔想再接触呢类角色？）唔系唔想接触，系如果个层次再多啲，个角色变化再多啲，咁可能会有趣啲嘅。”被问到过去十年是否想过做主角时，Gary就这样回答：“剧集就冇得你选择，一定系监制、导演揾你嘅，梗系希望做main㗎啦，咁……但系呢个就系要际遇，唔系你话想做就做，虽然你已经Ready，但系未必拣中你。”

近年TVB人才流失严重，当中不少艺人离巢后直指旧东家人工低，对此，Gary就表示：“我谂如果全世界都认同呢样嘢，咁我觉得都系事实。咁你食得咸鱼抵得渴，你就要挨啦，我同大家都系咁嘅状况，都系要挨。”他坦言当时生活艰难，严重到差点出现心理疾病：“实会有生活压力，好彩有信仰，唔系睇咗心理医生好耐啦……一定会有好难挨嘅时候，始终做咗咁多年。入剧团，由一个咁稳定、咁好薪酬嘅地方，跟住走咗出嚟做freelance，又去咗大家都认同唔系咁高薪酬嘅地方，你又要去适应。个情况就系咁样啦。庆幸𠮶阵会教下书、教戏剧，但系都唔会成日都系咁，悭啲啰，唯有系咁。”

面对如此的工作环境及生活压力，被问到是否有一刻想要离开演艺圈时，Gary斩钉截铁表示没有这样的想法：“好话唔好听踏入第十年，但系由我2013年返去𠮶阵，我会谂住始终有一日我系有机会发围嘅，咁就努力啦，每套剧集都做到最好。但系你会发觉整个环境机制唔系你谂得咁理想，就会有落差，就会驱使到你心灵上做咗决定，又或者慢慢咁一年一年，唔系意志消沉，系令你离巢嘅去向加强。（系咩环境机制？）冇乜机会，角色嘅发展，上面呢啲你唔会控制到。”

Gary认为演员是一种产品，他听闻演员可以主动找导演监制自我介绍，增加露面机会，因此当时重返TVB亦有这样做：“有啲人话要去敲门，其实我第一年返去已经周围敲门，我谂住真系say hi，因为冇拍剧佢哋唔识我，当然有啲旧监制知我系边个。我听闻有呢个动作，同埋talents成日都叫我哋上去打趸。我揾咗几个朝头早去扫楼，去say hi，自我介绍。OK嘅！啲监制好friendly，我觉得又啱嘅，我哋演员某程度上其实都系一个product，我哋要去sell自己，如果你自己都唔识得sell自己，佢哋净系会睇相拣你，咁就惨啦。不过都系睇下你自己会唔会想咁做，有啲真系过唔到自己，我就觉得冇乜所谓，反正佢揾你都系要见佢，咁点解唔早啲认识咗先呢？”

在TVB发展的10年间，Gary坦言获益良多，不但得到不同的演出机会及经验，还结识了不少圈内、圈外的朋友，不过亦因为未能饰演主要角色及没有代表作而感到遗憾：“你话我舞台剧做咗十几年，全部都系做主角，会唔会有新嘅尝试呢，系会嘅。（舞台剧做主演，但系电视剧唔系，会唔会有落差感觉？）开头会有落差㗎，就算唔系我自己有落差，我身边啲人会逼到你有落差，因为佢哋成日都会话‘你喺出面系主角，做乜返嚟跑龙套’你明唔明，身边啲人嘅氛围会令到你……好彩我都叫谂通咗嘅，既然我返得返去，啫系代表我想入屋，就要由低做起。”

Make up：许楚荍

Hair：Derek@Hair