独家｜蔡枫华开骚讲《劲歌》　曾任主持超自豪︰净出手指都赢亚视

蔡枫华一连两场嘅《情深永记演唱会（Part 2）》，前晚（ 9日）喺荃湾大会堂开锣，有fans在摆放了“蔡枫华𡚒斗致胜”嘅灯牌在台前，主角准时在8点出场后，fans举著灯牌游走台边打气，不过蔡枫华唱第一首歌《风中追风》时，已入错key兼甩beat，他之后解释是因为耳机声音太细，并向观众道歉。原定准备4月开红馆，但未能入纸成功︰“所以要同大家讲声对唔住，不过今晚我唔会hea唱。”

“《劲歌》甚至比《上海滩》仲收得”

蔡枫华全晚唱足 28首歌 ，他笑言自己除唱得之外又talk得，所以个唱十分抵睇。“好遗憾无线通知我做咗40几年嘅《劲歌金曲》完蛋，真心𠮶句，我唔知无线可以揾咩音乐节目代替《劲歌》，喺80年代我做主持时，当时《劲歌》系最高收视，唔系话我功劳，里面有好多天王巨星诞生。《劲歌》甚至比《上海滩》仲收得，净系出手指都赢亚视，我做closing 系可惜，无咗呢个节目，但人生就系咁，佢要转咪转啰，我睇下转成点。”

荷里活斩人案政府有责任

好talk得嘅蔡枫华又话有留意自己被网民话系黐线。“精神病系24小时，鬼上身系一时，咁即系话蔡枫华系鬼上身 。你话呢个世界荒谬？所以大家以后睇报纸都要fact check。近日有黐线佬无端端去斩死人，睇到真系好心伤，其实一个精神分裂嘅人一早要送去医院，呢个系政府嘅责任。希望唔会再有呢啲惨剧发生，本身有谂话要唔要全体起立默哀，不过作为一位艺人我唔想迫大家咁做。”

“我到而家都系零针”

一如个唱习惯，全晚不少有fans送利市，甚至有人送金器，蔡枫华亦有与对方握手，但每次他握手后，即有工作人员手执消毒酒精在旁喷，蔡枫华解释：“唔系唔想握手，而系去年10月开完之后我就确诊，但我到而家都系零针，我有同医生倾过打嚟都无用，所以到而家一针都冇打。” 又唱得又talk得嘅蔡枫华，唱足两个多小时，最后送上《绝对空虚》作完场。