《造星V》王锋临场改舞步被阿泽投诉　导师冯允谦：两个都系乖仔

冯允谦与黄淑蔓（Feanna）今午（8日）齐齐出席活动，适逢Feanna 22岁生日，Jay Fung即席献唱生日歌，二人又合唱《报复式浪漫》。

身为《全民造星5》导师，Jay Fung接受访问时不忘力sell一班囝囝 ，而问到昨晚播出一集，阿泽对王锋因未有跟随原先夹好嘅舞步而有微言，Jay Fung就话：“其实都要再了解事件，但我认识嘅王锋系乖仔同勤力，如果佢真系做错事我会闹佢，不过我都要再了解下。我同Rosa当时喺现场专注喺阿泽嘅反应，但因为好多其他嘢发生紧，所以我都要了解多啲，佢哋两个都系乖仔，我唔想讲太多。”

问到今届《造星》暂时仍未公布胜出会有什么安排，Jay Fung话自己都唔太清楚，但希望大家都有好发展。“我觉得佢哋都系好想做Artist ，我希望可以多啲人留意佢哋做嘅嘢。佢哋好有才华、好乖，我同Rosa都系教佢哋做一个好人，所有嘢都系要好态度、要正面。”Jay Fung又否认揾王锋、Jason、乐乐以及Carson拍MV是偏心，他解释是与MV导演商量后得出的结果，又希望之后有机会与其他仔合作。”