林作记者会足本版丨可以向死者家属道歉：一定会为佢哋发声
言论出位的林作，在钻石山荷里活广场发生骇人命案当日，于社交平台放售一款与涉案疑凶的同款波鞋，并标榜“逃跑一流”，引起全城围攻。6月3日林作任职的保诚保险公司在fb发表声明指，“知悉有个别理财顾问就近日社会悲剧作出不当言论和行为，这与我们公司的价值观背道而驰”，经内部调查后决定与其终止合约。
林作今日在律师David陪同下，在其位于中环半山寓开记者招待会。林作一开始便列出三点声明：
1.事件上未任何客户受到影响，因为其保险业团队，包括助手、秘书仍在公司“睇住”，没人有在任何利益上受损。
2.林作旗下有80名保险从业员，有指部份从业员暗指不会跟随林作离职。林作指不存在“割席”，而是他要求从业员继续留守，因为要对客户忠诚及尽忠职守，要求80人都要做到。
3.林作称有非常多客户在24小时内向他前公司作出投诉，要求解释点解公司为何要将客户理益，放在网民之下，认为网民的指控是“莫名其妙、极端”及涉及恐吓字眼，要求林作在社交平台公开客户公开相关诉。
公司话林作违反守则，他指：“违反社交媒体守则? 讲唔通，过去几年小弟抽火水事件不少，有传媒统计过去一年都有成七单抽水事件，无论抽死人水、DNA水，都有不同程度发生，但呢啲未视为任何问题。”
“今日同样地兼冇违反专业操守下，我系唔同意公司。第二样，我极度唔同意，虽然我会向佢要求攞出更多解释，话我同该公司嘅价值观背道而驰，我中文唔太好，背道而驰即系反转、掉反转嘅意思，呢个骂名不能接受。呢个系公司不寻常举动，如果你咁大间公司有咁嘅言论，我无名小都要保护自己，我唔同意呢个讲法，如果讲价值观背道而驰系好严重指控，佢善良我就邪恶等等。公司要畀交代呢个言论咩意思，否则会影响到我之后工作。我哋会以书面覆返公司，有进一步消息再同大家讲。”
会唔会为事件道歉？
“呢件事我冇任何道歉意愿，言论自由喺今日今日嘅香港更加值得保护，好多人未必同意我讲法，但绝对维护我讲嘢嘅权利。呢样嘢我一定要维护到。预告嚟紧绝对有下一步行动，对住我采取咁嘅策略，无论公关上、管理上都未必系好嘅做法。打就企定，最多逃跑，我唔会参战。我非常认为如果两个死者（家属）呢刻，为我嘅言论感到悲伤，我就太大影响力。我相信死者家人而家系好伤心，如果佢哋需要我帮助，一定会为佢哋发声。（如果死者家属要你道歉？）绝对道歉，损害到屋企人心情，我一定道歉。我一直咁谂，唔特别出Post去讲R.I.P.，唔代表冇同理心、同情人，掉转往往只系刷存在感，我出过好多Post，包括叫政府正视精神病患者，但冇人留意，冇人睇得明我嘅黑色幽默。我认为呢件事唔应该剩系专注两家人感受，要专注全港人，全港人个悲伤更多人来自恐惧，只有面对而唔系避谈，先可以放低恐惧。举例，我唔同意有慈善组织或官员出嚟话停止传播片段，我唔认为逃避唔讲唔倾系面对呢件事嘅做法。”
点解六月咁多事剩系抽呢单？
“呢个观众选择性失明，我系每一日不停抽，所有嘢我都发表言论。重点系，如果冒犯到人，唔代表我真实价值感系咁，好多人知我真实系点，同艺人喺人面前一样，只系一个人设，甚至公司。如果滥用言论自由，应该系有刑事上，如果道德上，表面我可能样衰衰，实际上系好人，我相周围眼光系雪亮。”
建基于别人苦难？
“大家要搞清一样嘢，言论同真系做出坏事唔可以话有任何关连，好多人搞错，当你攞一件嚟开玩笑，但同𠮶件事本身系冇关连。呢度真系要严正讲，一个好崎形嘅现像，过去呢一日，网上嘅人攻击我仲多攻击个杀手，好似将个矛头指向我，系我搞成呢件事咁，但唔好搞错，冤有头债有主，但你见到数据，关于我攻击我嘅评论，留言系多过非常之令人伤感嘅事件下面。即系话，有好多网民唔系真正关心需要社会关注嘅嘢，而去关注我一个无聊言论，呢个我觉得系崎形而且有问题，我亦冇预料过。”
网民觉得你乞人憎过凶手？
“呢个就系极度有问题嘅一件事，你问得非常好，呢个问题就系一个好恐怖嘅社会现象，呢件事对我嚟讲，呢件个别事件更加感心寒！我见到啲网民嘅变态程度、疯狂程度、人身攻击、生命威吓，劲过好多其他真系施展暴力嘅人。二，点解呢件事令我咁不愤，有大机构对呢啲咁嘅人嘅意见系睇得咁重，呢样好恐怖。我系睇唔到有人行出嚟讲呢啲人好过份，连日嚟我妈妈同我女友系不断畀佢哋问候，系唔应该！连累佢哋？言语暴力同真正桶佢一刀嘅分别系十万八千里差别，我正正讲嘅呢个分别。”
阮玲玉都话人言可畏？
冇人讲过人言唔可畏，我呢两日见到对我嘅语言暴力就非常之利害。
麦明诗畀like？
“掉转佢有单嘢，我唔会作出任何回应，虽然分手不是朋友，但应该保护对方。听讲佢畀完又收like，我冇特别谂法，亦冇特别感觉。”
以后会否收口？
“我唔会为任何言论后悔，只会视为人生经历。我唔系一个只顾自己嘅人，不识得去谈判、妥协嘅人，呢个唔系我，系非常好同容易被说服，只系有自己谂法同理念。”
向家属最后说话......
“呢件事反映我哋香港社会人有好多压力，未必系一批，但政府应该多关注有精神压力嘅人，正视呢个问题，加大力度改善，一个都嫌太多，如果我能令社会关注我系十分愿意。”