林作被炒丨裕美传3年前已做林太 认另一半做法较癫：会一齐承担
撰文： 程岚风
出版：更新：
自封“香港抽水王”的林作终于玩出祸！钻石山荷里活广场周五（2日） 发生谋杀案，2名女子遭不相识的39岁男子持鱼生刀捅死，令全城震惊及悲痛。林作即时“抽水”出帖放售与疑犯同款的波鞋，被网民批冷血，虽然事后急急删帖，但今早被其所属的英国保诚保险“炒鱿”，不点名批评：“不当言论及行为，这与我们公司的价值观背道而驰。”
林作被炒｜指事业只会更上一层楼：任何同我停止合作公司嘅损失！
林作女友裕美今日接受《香港01》电话访问，指自己刚起身未知详情，并说：“我只系知道佢一大清早就不停讲电话，讲咗好多嘢。”她表示不担心林作失业，认为对方会处理得到，问到可觉得林作言论太过火？裕美说：“佢做法系比较癫，我都认同，最大问题系搞埋我嘛，啲网民闹埋我，我心谂关我咩事呢？闹埋啲：‘睇吓你同你屋企人几时出事’，我心谂，有时网民仲癫过佢！”
现转行做珠宝生意的裕美，经常被林作吹捧赚好多，可以养起他，裕美谓：“我可以养得起佢，但我宁愿养个小朋友啰，佢咁大个人。”她亦不会安慰林作，但作为另一半，亦会陪伴一齐承担：“安慰都唔需要喇，佢唔会难过架！佢每次做完一样嘢，会觉得我个point唔系讲紧𠮶样搞笑嘢，唔系认同个犯，佢系分得好清楚、好仔细，佢好知自己做紧乜嘢。佢咁大个人知自己做紧乜，同埋你改变唔到佢，叫佢唔好咁癫，但佢系唔会理你，所以佢会继续，但作为佢身边嘅人，佢有事都会一齐行，一齐去承担，但我谂佢冇乜嘢。”有传闻林作会去另一间保险公司，裕美表示不清楚。
33岁林作与34岁裕美传2020年在半山麦当劳道豪宅，透过视像在海外律师见证下结成夫妻，更瞒住林妈妈Lily在家中大搞Party，搞到林妈妈忍不住话“如果系真会断绝母子关系”，其后二人死口否认已婚。