【不懂撒娇的女人】学美剧玩第二季 　编审朱镜祺：想要后生观众

美剧一向以季度作单位，想不到《不懂撒娇的女人》原来都学美剧一样，玩季度性，第一季就在14集(本周日14号)完结，是不是好快结局呢？之后就要等新一季了，不过众所周知，美剧一季要等半年，但无线知大家好心急，所以《不》剧就等得快一点……只须等23小时，无错，是23小时，因为第二季就是第15集，不要嘘住！不是标题党骗观众入来看文，而是编审朱镜祺透露的，加插季节概念，是他希望《不》剧比以前的无线剧更紧凑…..

朱镜祺说：“𠵱家嘅剧本要求，系睇三、四场戏已经好想追，观众先会钟意睇，我哋想攞多啲后生观众返嚟，佢哋节奏好快，我将20集嘅内容浓缩到14集左右，我哋呢套28集啦，其实系分咗两个season嘅感觉，头14集已经好大结局，观众睇第14集已经觉得哗！咁大嘅高潮，去到咁尽嘅场面呀？好似咩都做哂咁款㖞….但系14集咋，就好似以前20集咁嘅内容，观众会以为睇完架喇？但其实15集又开始，于是就会有season 2嘅感觉，迪士尼嘅故事就系讲到公主皇子一齐快乐生活就完，但我哋呢个现代故事，皇子公主系点样生活呢？会遇到咩困难？系埋一齐系咪一定开心？解决之前嘅事系咪以后冇事发生？头14集观众会发现，时空好压缩，头14集讲几个月嘅故仔，15集打后系讲紧几年嘅故仔，系同以前大家睇嘅无线剧好唔同。”编审果然系编审，讲到人好想睇15集㖞……