姜涛曾要求公司雪藏自己　鼓起勇气先睇叱咤：同大家一样我好难挨

姜涛日前推出新歌《Dummy》，今日（31日）他接台商台节目《叱咤乐坛》访问时，透露原来年初在叱咤颁奖礼表演后，曾打算一年唔出歌。“通常一落台都会flash back自己嘅表演，但已经觉得有啲唔对路，不过冇谂过个报道海量式，都算系自己呢5年最deep一段时期。”姜涛表示虽然冇刻意收埋自己，但有同公司要求停工：“我话‘不如你雪我’，因为都希望有时间去思考番啲嘢，因为前几年无论系MIRROR定自己都冲得太快，太多嘢太快得到会好易迷失。”

沉淀期间，姜涛表示在MIRROR兄弟面前扮冇事，而他亦感谢大家“对我𠮶种唔使出声嘅关心”，而公司管理层亦深明他的性格，所以未有多言。姜涛在二、三月时收到花姐通知今年将会举行个人演唱会以及有西九（四月)演出，当下他曾想过拒绝。“好快觉得唔应该逃避，所以西九系拎晒自己学嘅嘢去博一次，而第一首确定要唱嘅系《镜中镜》。”

访问中，姜涛提到平时一定会睇返自己演出，但叱咤颁奖礼后，他已经唔够胆睇自己当晚的演出。“有日扚起心肝，开咗电视，我屋企电视仲要好大，企喺最近位置。我一定要搞清楚发生咩事，我唔可以去逃避。我不嬲有本簿仔写下表演好同唔好，例如摆手幅度，但𠮶排真系唔够胆，但我都觉得一定要做返呢件事。最后开电视睇，挨过咗𠮶三分钟，同大家一样，我都好难挨，但睇完之后真系‘哇’。不过唔紧要，发生咩事情逐一解决，首先系减肥。”姜涛曾自问有否后悔出演西九音乐会，但他至今仍是无悔，并谓：“每一个艺术者最想表达最真实情绪，从而令观众得到共呜。而我当时系想表达受伤之前的愤怒，想证明嘅急切心态，所以唔后悔，只不过我唔成熟、脱离表演本质嘅方式去做。”

姜涛透露《Dummy》中的笑声部分，是在录音过程中临时加入的。“唔只大家想自，自己内心都想笑自己。系讽刺、流著泪地笑。录音时都有眼湿湿，笑到最后都难过，讲真发生咁嘅事情必个会唔难过，所以自己笑到最后都有啲伤心。”姜涛表示如今已经完成释怀，并指每件事都有两面，又寄语年轻人不要只看一面，事关如果能够睇到坏事情背后的意义，一定会有进步，而他亦希望自己可以永远保持正面的心态。姜涛又透露在沉淀期间，看不了少心灵鸡汤以及好与坏的评论。“人哋对你嘅任何攻击，你觉得系用石头丢自己，但可能分分钟丢嘅唔系石头而系金，所以你哋闹我嘅任何嘢，我都当系金。”