姜涛新歌《Dummy》玩自嘲　接受不同声音：有人闹好过冇人留意

姜涛推出2023年首支派台作品《Dummy》，原来他本打算在年初推出一首较轻快的歌曲，但自叱咤事件后，他觉得要即时推出一首能够道出心声及提醒自己的作品，姜涛道：“叱咤之后，对于自己好多表现都好唔满意，所以希望出一只自嘲嘅歌，同时藉歌曲提醒自己要保持清醒，观众无论闹或赞，我都能够勇于去接受，因为有人闹、有人话，都好过冇人留意，而且自己仲有好多进步空间。因为想带出呢个Message，所以用咗3、4个月筹备歌曲。”

《Dummy》由KW朱敏希作曲、梁栢坚填词、Y.Siu编曲、Edward Chan监制，姜涛指当初听到Demo还以为是来自台湾的作品，他说：“我仲问Edward系问有新嘅Demo来自台湾，原来系香港作曲人，朱敏希都系第一次尝试呢种快歌，但水准好高。至于梁栢坚，一直都有留意亦好欣赏佢嘅作品，佢平时嘅词作同Social Media嘅Post都系比较玩味，今次《Dummy》想做到自嘲、自己都想笑自己𠮶种玩味感觉，所以今次就有呢个班底组合。”

MV在听取了朋友的意见后，邀请了在台湾被誉为鬼才导演伍致纶Ares Wu操刀，他曾执导MV有五坚情《MOON LANDING 月面著陆｜》、ALL IN 5《PRINCE》等MV，爱用抽象画面表达讯息，今次他为《Dummy》MV展现姜涛过去作品中未曾见过的艺术美。至于舞蹈方面，姜涛请来自己偶像罗志祥的御用排舞老师大目为《Dummy》编舞，姜涛道：“喺台湾甚至香港，所有排舞老师都识大目，佢系一个非常有经验嘅排舞老师，所以非常荣幸有佢嘅参与，而今次有台湾团队参与，都俾我好多新感觉、新体验。”不过在舞步中，大家还要留意一下敲头的动作，原来是姜涛自己构思出来，姜涛说：“一听到〈Dummy〉嘅前奏时，第一时间就谂到敲头、敲醒自己嘅动作，所以我有同大目老师讲，我想将呢个动作放喺Signature Move入面。”

姜涛表示，对于某些听众来说，今次部份歌词内容可能有点深奥，曲风较Dark但又偏向Pop，副歌好易入脑，假若大家只记得“Dummy”这一句歌记，他都已达到目的了。他又补充道：“《Dummy》藉木偶题材去讲返我自己。喺过去一段时间，自己慢慢都变成一个木偶，自以为可以做到好多嘢而唔知自己系一个被操控嘅木偶，希望自己可以觉醒，可以变成一个听到人哋讲嘢嘅Artist。”