黄心美赞姜涛对工作有要求又勤力　透露黄心颖近况︰都系凑下狗

无线J2 82台推出的首个宠物选秀真狗骚《超级毛特儿大赛》于今日（27日）举办行“12强见面会”活动，四位主持向海岚（Anne）、周奕玮（Jarvis）、黄嘉雯（Carmanney）、钟柔美（Yumi）以及有份做神秘嘉宾评判的黄心美（Scarlett）等都带狗狗齐齐亮相现场，热闹非凡。

本身养有四只狗狗的黄心美去年3月失去了其中一只Muffin，因此在参加节目时也令她颇有感触：“我做这个节目时谂著好开心，点知最尾有一日拍，咁啱𠮶日就系我只狗仔走咗的一年，exactly一年，佢哋问了一条问题点样去度过只狗走咗那一关，跟住又叫我同只狗讲句说话，我喊到癫咗，后尾我谂返，点样度过呢？我自己都好似未过到。”

自从2018年离开ViuTV后，心美一直没有再加入其他电视台，谈及现在的工作，她透露：“有event就接，今次呢个show，上次都有帮其他电视台做其他节目。（有冇好想拍的节目？）因为做了这个节目，我成日同监制讲，不如你迟啲有狗仔去旅行嘅，我就带埋只狗仔去旅行。（TVB有冇抛出橄榄枝签约？）冇，这些事都是我经理人负责，因为接咩job方面的话事权都交给经理人，佢会知道我有咩啱我做，有咩唔啱。”

月中姜涛在《CHILL CLUB》颁奖礼获奖时逐个队友致谢，被部分人指他“点评”队友，甚至引起RubberBand鼓手泥鯭嘲讽，最后RubberBand为队友致歉，心美表示：“讲真，我冇睇个颁奖典礼，我亦都冇泥鯭的Facebook，我都系略略知道这件事，之后佢哋有出道歉声明。我自己有做《全民造星I》，我认识的姜涛都系对自己工作好有要求，好勤力的一个小男孩，几年过去都系一个细路仔嚟嘅，希望呢啲新闻冇影响到佢。至于泥鯭，𠮶件事发生之后有见过佢一次，但我冇好奇去问佢，我觉得佢咁大个人自己handle（掌控）到，𠮶次我们的话题都系关于宠物，因为佢只猫最近有病。”

至于妹妹黄心颖的近况，心美则说：“都系凑下狗，我都唔知，其实我好少见佢，我通常都系一齐陪Daddy食饭𠮶阵见到佢，但我哋寻日有一齐去做义工，因为佛诞，我们一齐派福袋、罗汉斋饭畀公公婆婆。”