法言人｜麦玲玲演“贵妇”劲抢眼　自爆现实生活：睇啱Hermès就买

无线剧集《法言人》成功勇夺9:30线剧集点击率之冠，一众演员及剧集监制出席“祝捷会”恭贺剧集创下佳绩。《法言人》如此受观众喜爱，一众演员纷纷敲碗原班人马再拍续集，剧集总监制刘家豪接受《香港01》访问，表示等《逆天奇案2》拍完再考虑续集：“而家如火如荼搞紧《逆天2》，等拍到咁上下先谂啦，而家未有计划。”

《法言人》能够创下佳绩演员功不可没，撇除主演演员，讲到最出位一定是饰演贵妇白小姐的麦玲玲，她在戏中的装扮好抢眼球，事关套套衣服手袋都大有来头！玲玲姐接受《香港01》访问表示：“坦白讲，公司衫废事改人哋，我又唔系艺员身材，我自己搞掂衫啦，我从来都咁讲，但今次《法言人》我冇谂过大家咁眼利，我特登配啲细啲嘅袋，点知导演咁醒放大个袋。”

现实中都是“富婆”的麦玲玲，家中珍藏各种袋款的Hermès，但就不愿透露金额，只表示睇啱就会买：“我唔算买得多喺市场到，唔算好活跃，有时喺唔同地方买返嚟，旧年去到马拉拍嘢，咁又容易买，朋友去开欧洲大家讲起方便就买（惊唔惊买到假货？）系店买嘅，好少特登买水货（一定唔会代购？）除非𠮶个人去咗巴黎。”