吴海昕零杂物新居媲美示范单位　猫房靓过主人房雪柜得一种食物？

吴海昕（Sofiee）近日搬新屋，虽然她说是小蜗居，但都留了一间专属猫房畀两只爱猫，每个角落都为猫咪舒服出发。今日她出席活动时，就表示虽然猫咪劲少入房，又对她特地设置的猫爬架零兴趣，但Sofiee仍然为猫咪有专属房间而感到骄傲！

吴海昕（Sofiee）日前拍摄两条新屋Home Tour片，整间屋走超简约日系风，不但全屋零杂物，连衣柜、雪柜几乎空空如也，雪柜更只得一种食物。不过，她仍然留了间专属猫房畀两只爱猫，布置用心不输主人房。不过Sofiee就透露猫咪甚少入房，浪费她一番心血。

按图睇吴海昕新屋Home Tour：

今日Sofiee出席护肤品活动，讲到她的新屋超简约，奉行断舍离风格，她自养猫后比以前更简约，而自己搬屋亦是为了猫咪，“我之前一路都有搬出嚟，今次搬大啲，因为我有两只猫，想佢哋住得舒服啲，同埋转下环境，因为我想畀个猫爬架佢哋。（佢哋都唔爬嘅！）系啰，最后都系爬柜顶，但系我自己买得开心。”

讲到猫咪有专属猫房，她说：“因为我真系好锡佢哋，佢哋开心，我就开心，其实只猫唔系特别钟意个猫房，最后都系瞓返我张床同埋唔应该出现嘅地方，瞓喺厨房锌盘，但系我见到佢哋有自己嘅房间，我都感到骄傲！”Sofiee透露自己平时很宅，爱躺在梳化煲剧、睇书、睇纪录片，新屋客厅有一架小小的自制应援车，有零食、猫玩具等。

除了忙于打点新屋外，Sofiee又透露自己即将参与舞台剧，当中有歌舞元素，所以她有学唱歌、跳舞，更用几个月时间跟黄秋生、朱柏谦和甄咏蓓学戏，她表示：“想专注喺舞台表演方面，因为觉得自己唔系好识用声，一路用喉咙讲嘢，亦都唔系好了解自己身体嘅Movement，希望下个作品观众睇到我努力。”

舞台剧前她会放一个短假期，去旅行拍片，并经营自己的YouTube频道，“通咗关之后我自己都想拍旅游片，我钟意同观众互动，自己有开YouTube Channel，拍啲真实少少嘅嘢，除咗想观众喺戏剧认识我，都想佢哋认识我本人嘅性格同埋我嘅猫咪。（去边度旅行？）谂住去啲荒芜啲嘅地方，我自己钟意去大草原，过游牧民族嘅生活，或者行山。但我好惊晒黑，所以可能去大草原，住下啲蒙古包。”

请按下图睇更多吴海昕活动靓相：