【不懂撒娇的女人】游生用阿仙奴比喻人生　袁文杰：我唔系山齐士

《不懂撒娇的女人》游生凭著Oppa身高，即使45岁依然引得丝打注意，亦引得一众阿仙奴粉丝为他高兴，袁文杰身为阿记忠粉，当然要问他对阿记的看法，他接受《香港01》访问，除了讲阿记，亦用阿记比喻人生，但说之前，交待丝打最关心的身高，他说：“我系188cm，如果用球队比喻我嘅事业，我都系用阿记，唔系因为似佢，系因为除咗佢，我唔会拣第二队，其实我𣍝己同阿记一样，都要keep返个稳定性，就好似近日自己报导多咗，亦证明我唔系太稳定，希望我同阿记一齐迈向稳定啦。”

当演员都想做主角，做阿记球员那个不想做山神、奥烧，这些大牌球星，但袁文杰觉得做戏是群体，是不是主角、重戏不是最重要，他说：“球场系英雄地，只有胜负决出高下，能够主宰胜负当然有价值啦，但一套戏好唔好睇，譬如我喺《不懂撒娇的女人》或者嚟紧《天命》《深宫计》…呢几套都唔系主角，唔系山神啦，但我喺套剧入面都起咗好紧要嘅作用，戏剧上唔需要咁分得细边个先系最重要，能够处理好场戏，得到认同，一次冇人记得，但如果持续稳定，就一定得到大家嘅认同，呢个系我做咗20年嘅体会，做好一场戏，无论你系山齐士定系蒙维尔都系一样开心。”

阿记下年有冇前四?

袁文杰：“机会比较渺茫，失分太多喇，𠵱家理论上未绝望，要睇利记、曼城会唔会再失分啰，要多少少幸运成份喇。”山神离队?袁文杰：“山神我估佢走架喇，但佢好有态度，走之前每一场波都一定会搏尽，尤其足总杯决赛，一场波真系咩都可能…”云加应该走?袁文杰：“传闻阿记喺下年嘅行政架构、教练团队会有一个好大嘅转变，或者更加紧贴现代化，譬如设立足球总监呢个职位，睇开波都知，呢个位同教练互相制衡，云加近廿年嚟一手独揽大权，喺佢执教生涯最后阶段，会唔会愿意被人制抓呢?呢个应该系佢决唔决定续约嘅最大因素啰，我都试过代入佢心态谂，佢未必愿意。”奥烧要卖走?袁文杰：“十几年前有本书叫《足球经济学》，如果你当足球系一门生意?理论上球员啱价位就应该卖走，如果高于市场价位，更加要卖，但首先要揾到替代品，奥烧呢个球员太飘忽喇，佢交波系靓，佢系一个锦上添花嘅球员，唔系太打得硬仗，但而家唔少阿记粉丝都谂有冇球会想出高价转会费同高薪俾佢呢?呢个已经好难讲。”

云加应该走?袁文杰：“传闻阿记喺下年嘅行政架构、教练团队会有一个好大嘅转变，或者更加紧贴现代化，譬如设立足球总监呢个职位，睇开波都知，呢个位同教练互相制衡，云加近廿年嚟一手独揽大权，喺佢执教生涯最后阶段，会唔会愿意被人制抓呢?呢个应该系佢决唔决定续约嘅最大因素啰，我都试过代入佢心态谂，佢未必愿意。”奥烧要卖走?袁文杰：“十几年前有本书叫《足球经济学》，如果你当足球系一门生意?理论上球员啱价位就应该卖走，如果高于市场价位，更加要卖，但首先要揾到替代品，奥烧呢个球员太飘忽喇，佢交波系靓，佢系一个锦上添花嘅球员，唔系太打得硬仗，但而家唔少阿记粉丝都谂有冇球会想出高价转会费同高薪俾佢呢?呢个已经好难讲。”