MIRROR 4子以《Rumours》登上TFT 姜涛自认紧张、AL成就解锁
MIRROR 4子柳应廷、李骏杰、Anson Lo及姜涛登上日本音乐频道The First Take（TFT），重新演绎《Rumours》。
首次现身TFT，Anson Lo表示:“好荣幸！众所周知，上得TFT 都系好有经验、有实力嘅歌手团体，亦系好出名嘅团体，所以有机会参与到呢次project，系人生里程碑。”姜涛则表示：“知道TFT系一个喺亚洲好高知名度嘅音乐节目，过去邀请不同地方嘅歌手都系好有实力，所以冇谂过上到TFT，好期待世界各地观众睇到我哋嘅表演之后俾我哋嘅Feedback。”
4人版本嘅《Rumours》编曲简洁，亦加入大量和音，跟原作偏重跳舞节拍有很大的差别，Jeremy表示：“因为今次编曲都系比较干净同Soft，所以当中用咗好多和音去Support件事。12个人去唱时力量好大，得我哋4个人第一次去做呢件事，就谂咗唔同嘅和音去令到件事更加丰富。TFT系好注重声音嘅Platform，过程中练习咗好多次，坐喺度上堂时会一齐倾呢段应该点唱，点样令到件事更加好，大家一齐去度个表演要点样。”Jer都指练习和音是很难得的学习过程，他说：“因为MIRROR比较少唱和音，通常喺台上表演都系好大力跳舞，今次我哋特登为咗呢个Version练咗好多和音，学咗好多、唱咗好多，大家喺声音上面都有好大嘅进步。”
这次参与TFT录音，其实是Jeremy和Jer先录《人类群星闪耀时》，二人唱完后有了一定经验，以为他们会给予Anson Lo和姜涛一些录音贴士，怎料姜涛说：“佢哋唱完出嚟好得戚！一见到我哋就话放松就得，好Easy。我同阿Lo就觉得你唱完一首就话啫。”Jer即反驳表示：“唱完第一首我哋系放松咗心情，但都有同大家分享耳机点样调校音色，有俾Tips大家啦！”话虽如此，姜涛都自认在录音过程中自己最紧张，他说：“我喺团队里面唱歌唔系最叻，唱歌进步空间仲好大，英文歌我又唔熟悉，因为少唱英文歌，对于英文嘅把握唔系好大，所以全程略显生硬，同埋4个之中我系算比较容易有失误，因为我容易抢拍，呢个系我嘅缺点，𠮶时我都理唔到表情；喺一个注重声音节目入面，自己嘅声音拍子系准确就得喇！”Jeremy都觉得姜涛表现可以更好，更说：“姜涛喺Rehearsal嘅时候嘅Energy好好，但一去到Studio佢就僵咗！”就连Jer都认同道：“佢真系变咗‘僵’涛！”
Anson Lo与Jeremy在TFT版《Rumours》中有很多对唱部份，由加上和音部分，令Jeremy很忙：“我个脑不停要谂下一句和音点唱呢？揾返个音先。因为我都颇多和音Part要夹，所以要Load一Load啱唔啱。”另外他与Anson Lo对唱时，二人都很有默契地作眼神交流，Anson Lo表示：“我哋每次练习时都有对望，所以录音时都有做呢样嘢，成件事就会好Safe咁，每做到都有暗爽咗一下。”
对于这次能在海外参与TFT这个Project，Jer表示最难忘的还要收接受海外传媒访问，他解释道：“因为第一次有翻译，几难忘，但戥翻译辛苦，佢帮我哋翻译咗好多间传媒，感觉成件事好隆重，因为系第一次MIRROR带住广东音乐冲出香港呢！”