炎明熹攞成人身份证嫌自己个样好奸：唔好意思影多次

炎明熹（Gigi)今日（15/5）现身葵兴出席活动。提到上月9日踏入18岁生日，终于成年，日前就被网民影到现身香港入境事务处换领成人身份证。Gigi受访时笑言：“其实我唔想大个女，如果你问我嘅话，我系想返到去以前，但我明白到系返唔到过去，所以我认为自己而家都仲系细个，但年龄就大个咗，变咗我哋应该好好咁接受佢。至于我喺影证件相嘅过程都有啲虾碌嘢，就系影第一张嘅时候，我系冇留意到自己个头发乱咗，到要影第二张嘅时候睇返，我又觉得自己个样好奸，但又唔好意思话想再影多几次，最终拣相我系拣边张我都已经唔记得，而帮我办证嘅入境处职员，都好似唔认得我，变咗我就冇乜咁尴尬，始终影相系唔可以点化妆。”