Stanley邱士缙忆母亲打两份工　辛苦挨大两兄弟：5点几叠同派报纸

撰文： 林得懿
出版：更新：
Stanley昨晚开直播分享新歌的感受，身在大马嘅Edan亦有“闪现”留言。而Stanley亦提到当初金JERS睇到歌词后感动落眼泪。(影片截图)

MIRROR成员邱士缙（Stanley）在昨日的母亲节推出第一支单曲《来不及》，悼念于年初因病去世的母亲。MV播出后，Stanley在IG进行直播，他最先提到“有好多人恭喜我，但有时我宁愿唔会有呢个机会出solo。”Stanley表示做《来不及》的最初衷只是想在台上献唱给妈妈听。“所以呢个系我好自私嘅初衷，一开始做呢首歌时，我冇谂咁多嘢，唔系谂出歌，一粒都冇谂。咁我同花姐讲，佢又好好咁应承咗我，公司又好支持我去做呢件事。”他又指“争唔争奖对我嚟讲唔系好重要，系而家要做嘅嘢我已经达成咗。”

Stanley妈独力打两份工养起Stanley同哥哥 ，十分辛苦。(IG图片)

Stanley表示MV中的多个场景，其实都是自己与哥哥小时候曾经经历过的。“你见到点解会有叠报纸，系因为我妈咪好劲，原因系我爸爸喺我细细个因病过身，佢自己一个人好努力咁凑大我同阿哥，我同阿哥好似皇帝咁，喺屋企完全唔需要做嘢，有时会突然想显孝心帮佢洗碗，佢都叫我唔好搞。阿妈一个人打两份工，其中一份就系5点几喺报纸档叠同派报纸，我有试过跟住妈咪去，试完两日顶唔顺，辛苦程度系……好辛苦。问题系佢系做咗十几年，打两份工去养大我同阿哥读大学。”而MV另一幕，是身穿校服的男生在公园痛哭，Stanley话自己中一时因失恋而在对方屋企楼下嘅公园呆坐。“第二早阿妈过嚟揽我，叫我返屋企，所以呢个对我嚟讲系好感动嘅画面。”

MV中两兄弟一齐派报纸的一幕，原来Stanley曾经历过。

Stanley又指妈妈会有撕日历的习惯，而这一幕亦在MV中呈现。“我妈咪只系能够停到10月，我每一次返到屋企喺张床旁边嘅月历，我望住都会……去到10月，之后佢就入咗医院，所以我好大感触。”而提到MV中最后妈妈的两句说话，Stanley亦十分感触，并指每次听到都“搞唔掂”。”在直播尾声，Stanley提到妈妈是在一月初是离开的，而翌日他本身已有工作安排，花姐原本安排他休息，但Stanley唔想因为私事而影响公事，故照常出席《男儿当入樽》的首映活动。事实上，Stanley一直未有透露妈妈离开一事，只有在一月初时在限时动态写上“God bless”，之后再来是“04/01/2023 I love you forever”，不少“TeamStanley”睇完直播之后都心痛无比。

Stanley在今年1月4日零晨出po，当时不少TeamStanley都十分担心其状况，而4号晚上他现身《《男儿当入樽》群星首映礼，看起来十分憔悴。