丘静雯评《东张》靠噱头出位　无谂过撼赢对台：咸鱼青菜各有所好

有“最靓女主播”之称的丘静雯（Nicole）今天（14日）出席“康乃馨大行动2023”为活动造势！Nicole上年离巢Now新闻台后，便加盟Hoy Tv节目《一线搜查》，更成为固定班底之一，不过节目曾被观众认为明显要与无线（TVB）王牌资讯节目《东张西望》一争长短。

Nicole接受《香港01》访问时表示有留意网民的意见，明白大家会将《一线搜查》与《东张西望》作比较，但认为比较系良性嘅竞争：“间唔中都有睇吓，大家好似留意我哋外表多啲，或者会将我哋嘅节目同隔篱台差唔多嘅节目去做比较（你点睇网民嘅比较？）我觉得系好，因为你做一样嘢出嚟就系想人哋多加留意，我觉得比较系良性嘅竞争（但有网民觉得系抄隔离台）我唔会话系抄，因为我觉得呢种类型节目，其实应该有多啲，唔应该系得一个，呢种节目其实系好民生，新闻得嚟系好贴地。”

虽然大家主题差不多，可是仔细分仍是有很大分别，Nicole直言隔篱台多“噱头嘢”，而《一线搜查》更多是分享香港文化：“我觉得隔篱台系多gimmick（噱头）嘢，或者好多抢眼球嘅议题，但我哋好多系比较share香港文化啦，或者系一啲好得意大家平时冇留意到（咁会用咩方法撼赢对台令收视更加高？）咁我有冇谂过要撼赢大家，其实都系咸鱼青菜各有所好。”