“畀家用似被追债”网友热讨　最佳人妻孙慧雪：开心唔使计到咁足

上班族之中，有不少人绰号是“长期粮尾”，每每未到月尾已经叫苦连天，不过无论自己挨得几辛苦，每月出粮也会自动自觉俾家用，成为打工仔的必然开支。近日有网民大呻自己减少俾家用，即跟家人关系开始变差，甚至有被追债的感觉，可说是家家有本难念的经。准妈妈孙慧雪知悉该名网民苦况，即劝告对方“始终都系屋企人，真系攞个心出嚟讲自己嘅计划，我谂佢哋都会体谅嘅。”

该名网民开post，讲述自己每月苦况，出来工作后每月例必俾8千元家用，但最近转了新工，加上开始计划将来，想储多点钱，随即将家用调低，该名网民表示跟着其父就经常“温馨提示”，“今日几多号？出咗粮未？够钟俾家用”，又追问为何减少了家用，该名网民大呻“话题就只有叫我俾钱，好似追债咁，佢愈追，愈老奉，我愈唔想俾。”该名网民更说上一代自私，冇钱学人生仔累人一世，更说因为要养家，最终完全储不到钱，要穷足九代，该名网民的负面情绪可说爆晒灯。其他网民纷纷留言，有指责楼主“食屋企住屋企，梗系要俾家用”，亦有力撑楼主“穷人一生父母债”，在俾家用的态度上，在网上引起热烈讨论。

网民呻俾家用似追债：

准妈妈孙慧雪接受《香港01》访问，她表示其实家用是心意，不在乎多与少，“屋企人都好好嘅，佢哋都觉得系心意啫，可以话系回馈屋企人嘅心意，佢哋对几多钱唔介意，有俾已经好开心，收入嘅四分一左右。(如果自己需要用钱，或者有其他储蓄计划呢？)其实赚多啲咪俾多啲啰，但呢四分一就一定会俾，至于如果有嘢想买，都系自己悭啲使啦，依家结婚之后都继续有俾四分一嘅。”

现时阿雪已经成为别人太太，又准备当妈妈，在家用方面角色逆转，可会向老公追家用，她笑说：“我又冇㖞，咁大家都有自己工作，可以公一份，婆一份，好多嘢唔使分得咁清楚，有时我俾吓，有时佢俾吓，例如去旅行，佢俾机票酒店嘅，我咪俾使费啰，咁就大家开心，唔使计到咁足嘅。”没有问老公拎家用，那么平日的生活使费呢？“我哋都系一人一半咁啰，但又冇话划死要几多钱，例如我今个月买咗梳化，佢又可能买返其他嘢，所以我冇追家用嘅压力，唔怕伤感情。”

不过作为准妈妈，阿雪也有自己的计划，希望夫妻一起储钱给BB将来读书，“BB出世之后啦，都会开联名户口储点钱，大家入钱落去都系俾BB将来用，但都系讲紧能力做到嘅，大家又舒服嘅，唔好俾大家压力啰。(要求老公储几多钱？)一个月每人放2、3千落去啦，冇乜压力嘅。”家用多寡往往视乎当事人的经济，但始终是对家人的一份心意，但如果为了家用而伤感情，想真点又确是不值得。