卢觅雪无惧镜粉出征继续提“姜丝蒸泥鯭”　网友︰雪雪咁锡MIRROR

日前MIRROR人气王姜涛在颁奖台上的一番言论，RubberBand鼓手泥鯭在网上连环发文嘲讽，引来大批镜粉姜糖洗版反击。卢觅雪开咪时替RubberBand抱不平，令战线继续漫延，5月12日早上开咪时，网友指卢觅雪：“一开始就姜丝蒸泥鯭😡😡😡….. 继续低俗当系幽默风趣！”

姜涛点评队友惹批评　RubberBand泥鯭嘲：唱好啲歌先做呢啲小动作

CHILL CLUB颁奖礼｜ViuTV误植错体MIRROR LOGO 　镜粉闹爆是但

点击睇泥鯭留言：

虽然RubberBand已发声明为失言致歉，但战火仍未平息，卢觅雪11日早上在《在晴朗的一天出发》开咪时替泥鯭和RubberBand感不值，指自己心情受影响，虽然全程冇指明道姓，但言谈间意思是RubberBand不应该因批评别人就遭围攻，更无需致歉，她说：“我睇到火都嚟，我学啲恶形恶相、网上欺凌𠮶啲人，其实我唔系佢哋歌迷嚟，不过都睇唔过眼要出声。每个人都有言论自由！”

她指自己只是事件的旁观者，一切本来与她无关，但她实在看不过眼，并表示：“一个人因为批评一个人而遭受到一村人、一群人围攻，问你做乜批评佢，呢个现象不可取。人多就声大，声大就够恶？”

虽然大批网友涌入《晴朗》FB骂战，见惯风浪的卢觅雪心情似乎未受影响，5月12日早上如常开咪，未有直接回应镜粉出征一事，只在节目开始分享要闻时指：“尊子嘅作品一日之间喺公共图书馆消失全数被下架，咁睇嚟整返碟姜丝蒸泥鯭安全好多㖞﹗”又笑称：“我今日坐正喺中间，终于明白坐正感觉。”对自己成为攻击目标毫不介意。

有网友留言撑卢觅雪对事不对人：“雪雪喺MIRROR仲未有人识已经同佢哋合作，早排帮Dee哥买捞，都讲明剩系会帮ERROR MIRROR买，佢哋开show，雪雪开开心心喺节目讲，咁锡佢地，fans真系咁唔感恩真系无嘢讲”