杜之克否认揾杨千嬅周柏豪拍HOY TV新剧 ：唔会做返大台做嘅嘢

杜之克出任有线执行董事及行政总裁，而昔日无线拍档余咏珊及何哲图亦分别出任有线娱乐有限公司总经理和有线宽频销售及市场总监。杜之克今午（5日）喺有线大楼会见传媒，正当大家以为杜生会公布一连串反攻TVB、ViuTV大计，结果一开始他就表示：“而家唔系时候讲住，我啱啱返工，第三日。”
杜之克表示自己20年前曾在有线工作，但当时经验尚浅，没有太多贡献，今次重返，笑言自己是“求”返嚟，他希望与现有团队与新加入嘅同事一齐为有线做出新面貌。“我谂大家都觉得好需要，我哋努力向呢个方向跑。”

杨千嬅、周柏豪未落实拍HOY TV剧集
杜之克坦承甩前自家制节目不多，又认为香港观众有太多选择，如非与生活息息相关。“其实冇咩特别需要睇你，呢个我哋大家都好清晰，所以自家制作系方向。”问到下一步计划，杜之克只系表示目前最要了解系公司拥有嘅资源、有什么需要补充或更新，并未有透露任何节目上嘅嘢，但他否认揾杨千嬅以及周柏豪拍新剧。“不过新闻有报道我都会参考，系咪可以值得谂。而家合作空间好大，包括大湾区、东南亚有好多合作空间，因为大家对内容要求唔同咗，同埋经过十几次，包括NETFLIX呢类线上平台，打开局面后，大家对内容观感唔同咗。”问到会否揾当红艺人打响头炮，杜之克笑言：“我哋好恨。”

有传郑裕玲拍摄嘅旅游节目花费7位数，HOY TV之后嘅节目是否都如此重本，杜之克表示不同节目有不同成本结构。“我哋筹划时要谂对边啲观众同客户，坦白讲，我哋想个个节目都有好合理投资，虽然唔系讲钱，但钱系必须，但要令呢件事发生的话就系市场要接受，一个系观众收视、一个系广告商支持，喺呢半年嚟，我哋做咗好多呢方面嘅努力。我系想个个节目都有规模制作，但前题要谂点同观众有关，广告商要认同，咁我就会有好信心一个个节目开出嚟做俾大家。”
至于选美或造星节目会否在计划之内，杜之克表示：“好想有新嘢，我哋都会谷大家度一啲新方法做节目，而家讲我好空范，但呢啲方针我哋系会做，所以人才好重要，我哋要组织到懂得喺新环境中推进呢件事嘅同事，所以嚟紧一年半载都系好唔得闲。”

杜之克表示自己在电视行业30多年，在TVB工作大约10年时间，所以并没有任何TVB情义结。“唔同平台有唔同属性，我哋要针对住属性去做，所以一定系唔会做返大台做嘅嘢，冇咩空间咁去谂。”杜之克话自己要做系揾唔同年龄层嘅同事，创作与时代配合嘅事。“我唔会觉得最新鲜、最创作嘅节目会系我谂出嚟。”

余咏珊过往在大台业绩毁誉参半，问他如何评价，杜之克表示：“做创作有4个可能性，好嘅创作得到好好嘅效果；好嘅制作但效果唔好；做个唔好嘅创作而有好嘅成果，𠮶啲叫好彩；唔好嘅制作应份地得唔到好嘅效果，你放长远咁睇就无死错人，好制作成功机会系高过唔好制作，所以我关键系揾唔揾到合理团队做制作，但你话系咪个个制作都好成功，都要睇天事地利因素，我都试过有非常失败制作，但呢个世界唔系睇一个product 就判生死，我做咁多年制作有咩著数啲，我哋判断一个制作系咪精细、有合理方向目标执行，所以我哋判断到咩系好制作再去说服观众，唔代表百分百成功，但起码我哋成功机会系好过唔好嘅制作。”