尹光开演唱攞“正牌”同靓女嘉宾玛姬恩爱：要问过你太太先
撰文： 吴子生
出版：更新：
尹光（光哥）、杨诗敏（虾头）、玛姬今日（3/5）现身观塘Band房为《尹光演唱会2023·掂呀》彩排。尹光受访时大赞两位靓女嘉宾虾头及玛姬脚头好，令演唱会飞大卖：“其实就嚟开骚，我心情就特别紧张，不过有两位靓女陪住喺我身边就冇咗惊，因为我一个人嘅时候就会惊啲。（揾嘉宾一定要揾靓女？）总要靓㗎，唔靓我唔制㗎。”
玛姬就感谢尹光给予演出机会：“如果你问我有冇压力?其实就冇嘅。喺我印象中今次好似系第一次做演唱会嘉宾，变咗我仲系新丁，仍要好好跟光哥佢学习，因为有咁难得嘅机会，我一定要做好佢。除咗喺光哥学习唱歌之外，有样嘢喺佢身上经常会睇到，就系佢同佢太太非常恩爱，无论咩场合两人经常影形不离。”光哥开玩笑说：“咁我又想同你恩爱又得唔得呢？”玛姬回应说：“同我恩爱？咁你而家要问过你太太先，哈哈！”尹光望向虾头问：“咁我又想同你虾头恩爱又得唔得呢？”虾头搞笑说：“我好Open㗎!你哋得我得。”逗得大家哄堂大笑。