美魔女樊亦敏醒你天然养颜心得　反人造：有水肿唔会走去割眼袋

周不时都听到有人呻：“做女人真系好烦呀！”除了烦几时可以嫁得出，年年月月会烦恼的，就是如何保持自己外貌不老，身材不走样。为了让自己冻龄、逆龄，甚么也好，女士都会穷尽一生寻找美颜秘技，上至明星推介，下至民间偏方，有钱有能力有时间的话，都会尽量尝试，无所不用其极。刚巧，有美魔女之称的樊亦敏，她以曾开过美容院的身份，向广大女士分享护肤心得。上次就讲到她不会为补水而狂敷面膜，还有如何夜晚肚饿忍唔住口食少少零食，都可以keep住唔肥。有心得当然唔好畀佢停，就向大家分享美魔女樊亦敏的养颜之道！

论美颜，樊亦敏表示绝不能只偏信一种方法，要了解自己的身体状况，才能够按体质需要，加以调理。她说：“我就有睇开中医，知道自己寒底，咁就会开一啲药方去畀自己行气活血，但如果热底呢，就唔得啦，所以知清楚自己咩体质好重要。”樊亦敏坦言自己有时会水肿，眼袋之类都会现形，她不主张整形，不介意效果慢，方法必定要天然，所以她还是选择中医：“我会去针灸，去消一消个眼袋，就唔会走去割眼袋，系就系慢啲，但起码唔会系一下子刺激或影响到皮肤，彩光都好少做，要靓就系冇得急。”讲到养好身子，樊亦敏表示有些老生常谈最好就遵守：不烟、不酒、不喝冻饮，就算无办法挨夜，都要食得清淡，而睇中医的好处，就可以按体质需要，知道有甚么食物吃过量会有反效果。

至于护肤，除了上次讲过面膜要平躺敷外，樊亦敏表示：“其实都唔好用死某一只护肤品，要根据天气去转一啲产品，因为用死一只product耐咗，皮肤就会产生惰性，会冇感觉，效用自然唔大。咁磨砂呢啲深层清洁一样要做啦，但都系𠮶句，唔好过量啦。”樊亦敏之前就开过美容院，对养颜方法可谓暸如指掌，咁过往有冇哪一种产品真心好用呢？她就推介了来自西班牙的香薰牌子ALQVIMIA：“我之前开美容院，都有入个呢只牌子嘅产品，知道佢都几好用，有好好嘅纾缓功效。”翻查过资料，这个牌子创办人师承有800年历史的西班牙香料及化妆学校，以科学及天然提炼结合的手法研制产品，上网就可以买得到。相信女士们睇完都忍唔住去Google搜寻一下。