“泰国通”胡慧冲领军返港出席活动揾真银　冬荫妹婚后积极造人

有“泰国通”之称的胡慧冲（Roger）今日（29/4）连同冬荫哥哥及冬荫妹现身奥海城出席《泰国节2023》活动。Roger接受《香港01》访问时表示：“今次难得返嚟香港出席活动好兴奋，而且梗系顺便带埋佢哋两个周围去食吓香港地道味食之余，仲会带埋佢哋去莲花宫拜观音祈福。因为佢哋泰国人通常嚟到，都会入乡随俗，都会去拜车公同观音嘅。”

冬荫哥就透露已有5年时间未有来香港，十分挂住香港的美食叉烧同烧肉：“今次冲哥就会带住我走围去吃喝玩乐，仲有带我去食我最钟意嘅烧味。不过最紧要嘅一嘢，就系冲哥帮我埋单，咁样我先会食得尽兴。哈哈！”冬荫妹日前与老公补摆喜酒，邀得冲哥远赴当地做婚礼司仪，受访时表示随时准备造人：“我同老公都都好钟意小朋友，我哋心目中系想生两至三个。”