Gin Lee出席陈家乐婚礼劲感动　泳儿接花球被问几时结婚叹压力大

由香港电台主办的《十大中文金曲》今日（25/4）举行记者会，两位“优秀流行歌手大奖”得奖歌手泳儿和Gin Lee李幸倪应邀出席。她们接受访问时表示今早才收到得奖消息，随即赶来记者会，泳儿说：“我好晏起身，凌晨六点先瞓，可以瞓到两、三点，我系熄电话，最后要call工人姐姐叫我起身。姐姐好好，系我哋屋企嘅闹钟。”Gin Lee表示今早原定有工作在身，幸好赶得切亲身出席记者会。

问到对夺女歌手奖的信心，两位均表示抱着平常心，泳儿坦言：“有会好开心，冇都唔会太伤心，继续努力。”Gin Lee点头赞同：“我会问自己，过去一年有冇努力做好每一首歌先？每首歌有冇出晒力去做？答案系有嘅话都好满足，成绩就交返俾大家去话畀我听我嘅努力够唔够多，唔够多就下一年继续努力。”

谈到陈家乐和连诗雅的婚礼，两位坦言整个致辞的部份搞笑又感动。Gin Lee形容感觉有趣得不懂形容：“家乐好感性，讲一、两句就开始喊讲唔到，系好可爱，俾佢真挚嘅情感感动，唔知笑定喊好，我同泳儿喊到…”泳儿续指：“佢讲成长、出道、同屋企人互动…未见过家乐咁柔情嘅一面，我都有啲惊讶。”

花球更迎面直飞泳儿手中，她笑言收到很多祝福：“花球好似波饼咁向我块面扑过嚟，Gin喺后面四散咁，拎住扎花入席，直到返屋企。”泳儿续指男友回家见到花球后有恭喜自己，至于会否带着花球的祝福尽快有好消息公布，她表示：“会带住花球嘅祝福去祝福其他人，个个都好好。（会唔会认真考虑下？）好有压力，希望大家畀啲空间我哋，收到花球、收到祝福，Step by Step啦，呢啲嘢又冇分先后嘅”，她随即望向Gin Lee，引得全场大笑：“我望下佢啫，公司好多同事都去到适婚年龄，虽然花球抢咗，但系我唔介意其他人爬头，冇分先后。”