瞩目配角｜黄夏蕙青涩靓样力证无整容 最讨厌被叫“殡仪之星”
年底便90岁的黄夏蕙，论资排辈，明明达高龄婆婆级，却很受落被大家暱称“BB”。“得意吖嘛，哈哈哈！”享受返老还童的夏蕙BB理直气壮说：“唔知边个帮我改？但我改咗呢个名之后，所有靓女都叫做‘BB’，所有明星咩BB都系由我开始㗎。依家好多好靓艺人都系叫BB，所以我好开心有呢个名。”
瞩目配角｜黄夏蕙无悔恋上有妇之夫 90岁心愿为子女取回亿万遗产
天生非常贪靓
夏蕙BB参加工展小姐出身，坦承由后生到老都非常贪靓。“我系超贪靓，因为我唔靓吖嘛，所以我希望出嚟畀人好睇啲，爱靓系人嘅天性。”这位非一般的老人家，自有一套扮靓心得，她会取长补短，由头到脚都坚持有自己风格的icon，头戴浓密鬈曲假发，脸上厚粉浓妆，身穿鲜艳衣饰和脚踏厚底鞋增高。每年到黄大仙祠上头炷香，夏蕙BB更会乐此不彼悉心打扮，引来途人争相合照，“我最钟意马骝仔，直情用咗大戏装（画猴子脸谱），唔系着件衫咁简单。”
坚决否认有整容
坊间多年来都质疑夏蕙BB有不停整容，她却乘机自辩，“我成日都系𠮶个样啦，使乜整吖。睇我啲相，由细到大都系咁，我个鼻又唔系特别高，又唔系特别矮，边有特别靓啫。至于𠮶啲皮肤，搽多啲粉保养佢，我化妆系认真啲，毕竟皮都皱啦，咁就真系要嘥啲时间，平时我自己化妆，大概需要一个钟，上镜就刻意啲，唔好畀人睇到咁丑样。”夏蕙BB还边说边摸着下巴力证“纯天然”，并强调怕痛惊血，决不会开刀变脸，但承认只试过拉线“吊双眼皮”，可是效果不理想：“做完好快又耷番，而家改番用线画就算。”
虽然讲得笑，但夏蕙BB都有介怀，她讨厌因频频出现圈中艺人丧礼博见报，被封“殡仪之星”，“其实好多演艺朋友，喺我年轻时就相交相知，好似邓碧云、凤凰女、祥哥、祥嫂等，佢哋离开，我直情伤感。”出心哀悼故友，却被揶揄，“我识嘅朋友个个都做娱乐圈，真系好好朋友，冇办法唔嚟，我梗系由头做到尾，由设灵到解秽酒都要喺度。”夏蕙BB表示离世的好友中，最不舍得好姐妹祥嫂洪金梅，“佢17岁就识我，由风花雪月到家变，我爱莫能助，但帮唔到佢，好伤心。”
夏蕙BB从来无惧死亡，但她仍然希望活到120岁，因为仍有心愿未了，“人生总有生有死，死亡对于我也没所谓，不过是有自己仍未完成的事，就系开一间非牟利老人院帮有需要老人家。”
场地提供：Studio Meta
黄夏蕙青春回忆相集：