【全职没女】美魔女樊亦敏醒你护肤秘技：面膜唔驶每日都敷！
撰文： 林通贤
出版：更新：
《全职没女》今晚大结局，除了姚莹莹外，樊亦敏这位配角亦相当抢镜，尤其不少丝打觉得她身型同皮肤都保养得好好，其实樊亦敏因为开过美容院，所以对化妆、护肤、减肥好有心得，简直去到达人级数，樊亦敏接受《香港01》访问，公开她的秘访，好多人以为她一定像范冰冰，一年敷700块面膜，但樊亦敏就话这样对皮肤反而布害，她说:“我唔会敷咁多呀，因为皮肤要自己识得更新，我系一个星期敷一至两次面膜，或者好干嘅时候敷，其实皮肤你俾咗少少讯号佢呢，佢系自己识得做啲骨胶原出嚟，如果你长期依赖面膜，皮肤会懒咗，仲更加唔好，要适当地去敷mask，同埋行住街敷mask，应该就黐尘，同埋面膜系俾妳relax𠮶阵时先吸收得好，最好就系身体平躺住咁样敷，同埋如果𠮶mask够水份，我试过一只多水嘅，真系“sir”落嚟㖞，证明佢用𠮶啲未必够水份。”
除了护肤有术，樊亦敏亦对饮食非常有研究，不少艺员因为想面瘦，会选择夜晚不吃淀粉质，不过樊亦敏就好少，她说:“都有营养师叫我朝早食木瓜，开头减系ok，但会减减下停咗会发弹，我觉得中国人嘅身体呢，点都要食返啲饭，如果唔食饭会手脚冰冷，血气循环唔好，就会开始肿，跟住脾胃你又会弱，呢种系最难减，有人话夜晚唔食饭会减得快啲，但你始终都会饿，所以有只蚕豆，有蚕豆症嘅都食得㗎，佢每一包热量系100啫，夜晚食咗系饱肚，但唔会肥，超市有得卖㗎，咁就唔驶饿住肚训喇。”各位姊妹有得跟㖞！