刘心悠婚后满脸幸福超风骚 自爆老公冇求过婚：唔系好似电影咁！
撰文： 赵允琳
出版：更新：
刘心悠去年除夕与圈外男友秘密结婚，今日（13日）她第一次以人妻身份出席公开活动，一脸幸福表情的心悠穿上一身厨师服，更即场在一众传媒示范煮法国菜，她接受传媒访问时笑言，早前用了十个月时间钻研厨艺，并成功用食物箍住老公的胃：“佢应该系食完我整嘅嘢，觉得好食嘅总数多过难食嘅，所以肯结婚啰，哈哈！”
心悠对于结婚一事一直保持低调，亦对老公的身份相当保密，被问及老公姓甚么即面露难色：“称呼啊？今日第一集已经过咗喇，就系讨论佢姓乜嘢，其实我冇谂过呢个问题，因为我结咗婚之后好少出街，我冇预料到啲人要点样称呼我，其实我都系prefer人哋叫我刘小姐，我一啲都唔介意。”被问到会否是“吴讲得”、“吴知道”的“吴”？心悠终于松口：“咁又唔系㖞！”至于老公是否香港人，心悠继续大卖关子：“佢系住喺地球嘅香港人。”
她坦言和老公一起经历完两、三年疫情之后爱得更深，又表示老公虽然不是一个浪漫的人，但却对她做过很浪漫的事令她很感动：“我要打针，佢会车我去打针，都几浪漫！”、“佢喺我今年嘅生日，送咗佢自己砌出来、用铁焊嘅玫瑰花，其实佢系偷偷地去整，佢话忙紧其他嘢，但原来系呢件事，系好sweet嘅！”至于求婚当日是否更加浪漫，心悠表示：“佢冇做呢件事！就系倾一倾，然后就‘OK’咁样，我唔系好似你哋睇电影咁样㗎，戒指，咁咪另一日去买啰，就系咁样，好平凡㗎咋！”
她透露自己和老公都非常喜欢做木工，两人更有“爱的结晶品”：“有啊，我哋一齐揼过个一个雀笼，因为我屋企有两只鹦鹉，我又唔想买，我想自己整，就系一齐整呢啲project啰！”
点击睇心悠幸福样：
+1