严淑明推全新国语歌 唔怕遭人白眼嫌老：有机会就做
撰文： 吴子生
出版：更新：
严淑明（Mandy)全新国语歌曲《一个人的黎明》、《没有你》今日（12/4）于铜锣湾举行发布会。Mandy表示：“今日暂时推出住两首国语歌先，手头上其实都已经录制咗5首歌，再等我收齐啲歌之后再出实体碟。其实第二首国语歌《没有你》喺录制嘅过程系遇到版权嘅问题，公司就打算唔做呢首歌，但我不断哀求公司帮我搞，最终公司都帮我搞点咗，揾人重新帮我录咗呢两首歌，成功面世。”
Mandy续说：“而家有公司帮我出歌，我能够做到自己想做嘅嘢，我系好感恩同好满足，始终我哋做女艺人系有限制，因为啲人成日都会讲你已经50岁。咁其实喺娱乐圈好多时都会用年纪去限制咗艺人，尤其是系女艺人，好多人会觉得你过咗38岁后，系过咗黄金时期。不过我就唔介意呢啲嘢，而我觉得有机会做，我就当呢个系我最后嘅工作去。”