极度俏郎君｜193遭宣萱踢爆成日迟到　姜皓文：佢会改过自新

ViuTV新剧《极度俏郎君》今午（11日）举行记者会，女主角之一嘅宣萱虽然在外地工作，但亦有拍片支持，不过她在片中就踢爆193（郭嘉骏）经常迟到，并叮嘱“记住要守时”。由于193身在英国拍摄，两位兄弟 何启华、吴保锜以及剧中大佬姜皓文接受访问时，就有咁嘅解释：“我觉得佢会改过自新，呢头同佢讲唔好成日迟，第日又迟 。”问到193最严重一次系迟几多，姜皓文就话“咁尴尬嘅嘢，留比Dee讲啦。”Dee就话：“永远无最迟亦无最早，睇你点睇，严格嚟讲佢系准时嘅。”

而每日开工都赞宣萱靓女嘅保锜，呢日虽然自称叫“宣锜”，但原来至今仍未获得宣萱电话。“搞笑还搞笑，佢系前辈，都要尊重，无嗱嗱拎人电话都有啲怯。”Dee表示自己只得黑哥电话，早前与肥仔到马来西亚工作时，靠著“黑哥”之名食唔少霸王餐 。三人愈讲愈兴𡚒，仲话要组团一齐去云顶登台，又表示希望剧集播出后，有望在紧来西亚横行。