57岁黄佩霞自爆与老公保持“性趣”秘诀 大谈20年夫妻相处之道
撰文： 陈芷颖
出版：更新：
现年57岁的前名模兼瑜伽导师黄佩霞（Almen）于2005年与美藉老公Ryan结婚，由拍拖到结婚至今相处20年，日前（7/4）她作客由谢茜嘉主持的无线（TVB）节目《揾鬼做情人》时就大谈婚姻关系保鲜方法，作为老夫老妻就会缺少性生活？Almen表示不会，更自爆夫妻间保持“性趣”的秘诀！
由拍拖到结婚，Almen与老公至今相处20年，她笑言关系保鲜的方法是二人经常分开，但最重要的是磨合：“老公经常要出去做嘢，好多时都分开，喺冇得选择嘅情况下。另外都要磨合，开头好多问题，细路仔问题最多冲突，好似我个仔好钟意着条底裤出厅食饭...我觉得你食饭最起码着返条裤，中国人一齐食饭呢下要尊重返。”
作为老夫老妻，谢茜嘉表示中国夫妇去到某个年纪就会停止性生活：“有时想掂下，唔系进一步行为，都话‘老夫老妻唔使行埋一齐’”。Almen坦言要睇每个人的性格和体质，自己与老公则不会缺少性生活，她表示保持窈窕身形有助维持夫妻关系健康：“我哋两个都系运动人好有活力，我哋嘅外形仲系互相吸引大家，互相欣赏大家嘅身材、外貌，仲有个Sex appeal。如果两个都不修边幅，一个大肥佬，一个大肥婆，你自己都唔钟意睇到自己冇着衫嘅时候，梗系唔愿意俾对方睇到你冇着衫，（谢茜嘉：要自己Keep好。）我觉得呢个会帮助到。”