苏玉华甜笑罕谈与潘灿良相识经过　自爆相爱28年仍如热恋期秘诀

苏玉华日前（7/4）现身由杨诗敏（虾头）和连诗雅（Shiga）主持的网上节目《丝打围炉》，罕谈与老公潘灿良的相识经过，以及相爱28年仍犹如热恋期的秘诀。每当苏玉华谈起老公时，总会面红怕丑兼流露出甜美笑容，连虾头都忍不住高呼：“That's love”。

苏玉华和潘灿良是演艺学院同学，她形容二人当年的关系“像雾又像花”，各自拍拖后最终又走在一起：“分开咗5年之后一齐拍《人间有情》开始倾返偈，之前有少少我辜负咗佢，大家心入面都有条刺。各自拍拖、分开，又见返对方，拍戏开始倾返偈就发觉，佢系一个好值得交往嘅朋友，之前有啲事情发生咗，大家冇咗个友谊，我觉得好可惜，开始做返朋友就慢慢约下睇演唱会、睇戏，好自然就开始。”

由相识到相爱至今超过30年，苏玉华谈起老公时仍会甜笑兼怕丑，她坦言可以在对方面前舒服地做回自己：“我唔会要佢改变啲咩，佢都唔会要我改变。我爱佢系爱佢所有嘢，就算系缺点都好，我知道系佢一部份，咁先系完整嘅佢。我冇可能用自己把尺，去要求佢变成我心目中嘅佢，咁样太唔公平，两个人相处唔系咁，系我完全接受佢系咁，要佢就要晒佢所有嘢。”

看到苏玉华谈起老公时由心而发的微笑，虾头和Shiga纷纷追问二人的相处之道，她表示中间没有强求，就如空气存在般自然：“佢已经系我生活、生命，身体嘅一部份，到而家仲会好想见到佢，见到佢仍然系开心。如果有杯雪糕，会好想同佢Share，瞓觉仲会拖手，系啲好细节嘅嘢一路经营同灌溉嘅一种关系，我会问佢今日过成点、拍戏拍成点？我谂系咁简单、咁细微，咁生活嘅嘢，而唔系惊天动地嘅事，但呢啲嘢累积系好紧要，同埋真心地欣赏佢。”