前天堂鸟叶泓声咖啡店被扫场　警方已拉人：话主脑一定揾唔到

前天堂鸟成员叶泓声（Gordon）有份开设的咖啡店，于开张当日（2/2）即被人刑事毁坏，翌日（3/2）警方已极速以“刑事毁坏”及“盗窃”罪拘捕3名非华裔男子，但报道怀疑他们以“接单”形式收取报酬犯案。今日（7/4）叶泓声（Gordon）出席中环展览活动，他在接受《香港01》访问时亦有谈及此事。

Gordon透露：“之前俾人扫场，其实第二，三日已经去咗警署几次，已经拉咗人，但系话主脑就一定揾唔到，但系你话系因为我而嚟定因为太好生意就唔知，算啦。问警察都未必知，尽力做好拉咗人就算。”

当被问到有没有得罪过人时，Gordon就直言：“呢样嘢我都想知，如果系可以嚟我到呀，都唔需要去舖头，打嚟凶一凶我都好。不过点都好啦，做生意始终以和为贵，我都只系想做好盘生意啫。好彩唔使上庭，我睇好多风水师傅都话今年好多呢啲事发生，所以师傅都话当应咗佢。”

而讲到工作方面，Gordon透露参演《隐形战队》后，将继续参演监制Jazz（文伟鸿）的新剧《夺命提示》，在剧中饰演一个变态的娱乐公司老板：“个角色好好玩！剧情都系讲我有少少变态，呢个角色系我入TVB以嚟最大挑战，估唔到自己有份。”

他表示，拍摄期间得到导演和监制的指导，获益良多：“有几幕系人生第一次遇过，导演同监制真系好劲，我喺咁问佢哋嘢，两个导演都喺咁答同教我做，原来拍剧都可以咁多问题出嚟，好好玩。Jazz要求梗系高啦，但系高得嚟佢好清楚自己需要乜，话到演员知要做乜，所以背好对白，ready好感情，一埋位佢就话到你知要点做，唔得就会嚟过，佢好清晰话你知要点样演。”