和解在后．专访｜梁祖尧劲赞Ivy So专业：唔系冇脑净系识靓嘅艺人

出道多年，一直都热衷舞台剧的梁祖尧（阿祖），去年他处男下海拍摄ViuTV新剧《绳角》，而电视剧《和解在后》就是他的第二套作品，当中他饰演调和中心的创办人“Cliff”，与另一创办人庄易（谷德昭 饰）在经营方针有分歧，阿祖介绍角色时说道：“我同谷德昭系公司嘅合伙人，简单嚟讲佢系希望帮到社会减少纷争嘅人，但系我净系睇住公司盘数，系套剧入面我系饰演奸角。”

如此巿侩的角色听起来有点像他在《绳角》中饰演的“鲁坚”，不过他就表示：“一啲都唔似！我呢个系戏剧角色，上次《绳角》入面可能15集我净系笑过一两次，今次系蠢好多！佢系要冲出嚟X，会拍啲类似宣传易嘅短片，要自己做主角享受权利嘅人。”除了性格，就连造型亦充满不同之处：“今次全部着西装、要梳头，上次系连妆都唔化，今次系姿整嘅，所以成个演绎变到好唔同。”

上次在《绳角》中，阿祖饰演MIRROR成员江𤒹生（Anson Kong）及杨乐文（Lokman）的教练，今次在《和解在后》中，他饰演COLLAR成员苏雅琳（Ivy）的老板，二人并非首次合作，于ViuTV选秀节目《全民造星IV》，阿祖曾经以指导老师身份参与节目，而他的学生就是Ivy，转眼间Ivy已经以女团身份出道。

二人由“师生”身份变“同事”，对此阿祖说到： “Ivy同Sica都系我嘅组员，喺《全民造星IV》经历咗咁多嘢，啲回忆同建立咗个情感系唔会拎得走。今次用同事嘅身份合作，见到Ivy好淡定，预备得好充足、好专业，第一次拍剧佢做得非常之好。而Sica（何洛瑶）开始熟悉镜头，知道自己靓嘅、可爱地方喺边。编剧同导演做得好好，发挥到佢哋本身嘅特质。因为Ivy系一个好有冲劲、好勇敢嘅女仔，而Sica就系一个傻更更、好可爱，会突然做啲令人意想不到嘅嘢嘅女仔。”

对于Ivy及Sica，阿祖还透露更多关于两位的想法：“Casting嘅时候系我拣佢（Ivy），我第一眼见就钟意佢，我觉得佢值得拥有一个更好嘅机会，我好钟意佢嘅能量，同埋佢对生命嘅睇法，佢唔系冇脑净系识靓嘅妹猪，佢系有睇法、有嘢想做，系想影响到人，佢唔系啲冇脑Artist，佢会问我‘我喺到做紧咩’、‘我系边个’，佢会问呢啲问题就系对自己有呢啲要求，Sica都系咁样，你唔好睇佢傻更更咁样。”

阿祖经常以不同的面貌出现在观众眼前，例如在综艺节目《晚吹－空肚讲宵夜》中，他会化身厨师，一边教大家炮制美食，一边与几位主持闲聊，为大家传递欢乐，在电视剧及舞台剧中，就会根据角色传递不同的讯息给观众，不过阿祖最希望向观众展现的身份居然是农夫：“其实香港嘅农作物好重要，但系佢真系危在旦夕，香港嘅电视剧系唔会死，香港嘅综艺系唔会死，香港嘅舞台剧暂时都唔会死住，但系香港嘅农业系会死，系会消失㗎。我唔想消失咗之后啲人先至回忆返，就好似恐龙咁样。”

因此，阿祖坦言趁自己还有能力，希望可以令更多人了解香港的农业：“我想话畀大家知，香港仲有农业，系需要大家支持同关心，有好多香港嘅农夫好俾心机中紧农作物出嚟，系希望大家可以食到香港人嘅味道，呢一班人系好努力做紧，我好想帮佢哋一把，因为我都系其中一份子。”

Credit：

服装：New Balance