安哥同学会｜72岁元华退而不休　忆述当年50尺高空跳海：唔知死

现年72岁嘅元华入行48年，日前他接受港台节目《安哥同学会》访问时，分享多年嘅拍摄点滴，他提到早前做替身时，一场由直升机跳海嘅场面，拍完之后差啲连命都冇：“𠮶时20岁左右，当时叫我由直升机跳落海，20尺左右，对我嚟讲唔系好高。点知上机之后，叫个机师再低啲，佢话会有气流所以唔得，一路升到50尺以上，导演要我拎埋个喼一齐跳，因为剧情讲喼入面有白粉，好重要，但我咁跳的话，个喼会打到块面。一跳出嚟，大镬，我垂直咁落，跳出去咁耐都未到，最后眼望到时已经到水。整块面肿晒、鼻血、出唔到声，食水食得好深，啲水压迫住抖唔到气，叫啲手足买两支白兰地，可以行血，点知一饮块面又肿、颈又涨，𠮶次真系逃过一劫。”

元华忆述那一幕是跳飞机的，戏组已拍摄飞机的部分，再用后期配上他跳直升机的画面，但由于他只是替身，所以连面容都会不被拍到。他形容当时系“后生唔知死”，但胜在年轻很快就康复了，亦未有留下太大阴影。元华在访问中未有提及是哪一部电影，但翻查资料应该是70年代的《捉鼠记》。“执返条命”嘅元华表示到后担任动作或武术指导时，会更小心注意安全，如果发现连替身都做不来的动作，自已会亲身上阵。节目尾声，问到他可有打算退休，元华表示从未考虑，就算系都“退而不休”。