张纹嘉连Po十张黑图纪念出道16年　陈年MV相殃及Stanley@MIRROR

由张惠雅（Regen）、张纹嘉（Crystal）和黎美言（Winkie）组成的女子组合HotCha于2007年4月4日出道，不过她们在2014年宣布拆伙，HotCha正式成为历史。为纪念出道16年，Crystal日前在IG连出十张黑历史旧相，并写上：“话说今日系出道周年纪念日，今年特意揾啲好旧好旧嘅相，睇完真系喊出嚟嘅中度黑图分享一下，太黑个啲真系post完可以即刻转行。睇完记得赞我而家靓咗啲㗎啦，等我平衡返个心理，同我讲多次，我真系无整容！只系箍咗牙。”

Crystal逐张旧相介绍，其中一张箍牙相更堪称为震撼弹：“而家望番真系唔明白，点解我咁嘅样箍住牙，大家都要我出道。我当时见到人哋个个都好靓，我平日完全唔想笑、唔想讲嘢。但我每日就系要笑、要讲嘢、要唱歌，要跳舞，仲要明知当时每拍一个MV，我呢个样就会留一世。而家大个，我睇返我当然可以得啖笑啦，但系当时嘅心理阴影面积真系应该好大。值得留意，以前嘅look真系好爆，不过而家已经兴到去y2k look，我相信我呢堆造型好快又兴返！”

而网民的另一焦点则落在其中一张MV相，Crystal写着：“骆克道造型（当时嘅我觉得好型）我知我殃及池鱼，但系我呢个look冇独照。”她所指殃及池鱼的“池鱼”就是身后的MIRROR成员邱士缙（Stanley），当年仍是舞蹈员的Stanley为HotCha《Hot Lady》的MV伴舞，身穿背心加牛仔裤的他黑黑实实，身形比现时更瘦削。照片一出，Stanley留言指：“呢个系我人生第一个跳嘅MV”，Crystal惊讶回复：“第一个”，不少网民都将重点放到Stanley身上：“点解个样可以冇乜变”、“第四张相𠮶个系Stanley大表哥，错重点，Happy anniversary”。

点撃睇11年前的Stanley以及堪称“震撼弹”的箍牙相：