中年好声音｜吴大强谷底反弹登三甲擸MVP　杜德伟赞：今晚大赢家

无线综艺歌唱真人骚《中年好声音》第18集，是争入八强的第六部曲《男歌女唱！女歌男唱》，经过一轮激战八强正式诞生，分别是龙婷、周吉佩、李佳、支喾仪、颜志恒、吴大强、罗启豪及林鉫徫，最终由吴大强获得全场最高分89分﹗

上一回仅排第七的吴大强Bill哥哥，是集来个绝地大反击，戴上帽子的他献唱Bossa Nova版的《月亮代表我的心》，表演期间更大摆Michael Jackson招牌甫士，表现令人惊艳，主持车婉婉笑言：“啱啱以为城城（郭富城）嚟咗添！”对于Bill哥哥的演出，杜德伟大赞：“我头先系完全畀你溶化咗，作为一个表演者，最紧要系要有Signature，Bill哥你完全做得到，每个人都记得你嘅形象，你今晚系大赢家。”张佳添则笑言：“大强每次都Prove到你系一个True Entertainer，一个71岁嘅Uncle摆个Michael Jackson嘅Pose，我谂我都做唔到。”肥妈闻言即激动说：“咩Uncle呀，我Brother嚟架，唔通我叫Auntie呀？”场面搞笑。最终Bill哥哥获得全晚最高分89分，兼获得本回合MVP，累积分数由上回合的4分飙升至16分，登上第三位，认真犀利！

投7项【民选电影大奖】即赚高达888“01积分”，答简单问题仲有机会赢走maxcare心动椅(价值$32,800；名额1位)或$30网购现金券(名额50位)！

龙婷和周吉佩同样获得昨晚一集第二高分84分，表现亮眼。化身Rock妹的龙婷一改甜美作风，Rock爆献唱《特别的爱给特别的你》，张佳添大赞：“表演睇得好开心，睇到几样嘢系以前冇睇过，第一系力量，第二系动感，第三系假音，第四系奔放，虽然未去到狂野但我收货，一直好想喺龙婷身上睇到一样嘢，就系突破，今日我睇到。”肥妈则说：“我系畀得好高分，佢就穿透到我，穿唔穿透到佢（暗指伍仲衡），我就唔知！”“穿透力魔人”伍仲衡即笑言：“条裤都透埋！”自弹自唱《我愿意》的吉吉，虽然获得的分数不俗，惟他被批表演时经常乸埋块面，肥妈教路并再度“追击”伍仲衡说：“只要你望住三个点，所有人都会觉得你望住佢，同埋你唔使睇住我哋个样，有啲人（指着伍仲衡）个样真系会吓亲你！”吉吉笑言：“伍Sir真系有少少。”肥妈再激动说：“我冇讲佢呀，系你讲佢咋，你咁样屈我？”引得全场爆笑。