张国荣纪念骚经典合照重现　郭富城曾为哥哥伴舞赞：真正舞台王者

张国荣《继续宠爱．二十年．音乐会》昨晚（4月1日）于红馆举行，郭富城从舞台下升起压轴现身，由逾20名舞蹈员伴舞，又唱又跳《Monica》，重现经典舞步，炒热全场气氛。

郭富城唱毕《Monica》后，指向天及送上飞吻，指今晚是一个很特别的日子，20年来哥哥一直在他的心入面。城城记得入行第一个骚是在1986年《星光熠熠耀保良》，他说：“我好有幸同佢表演，不过𠮶阵做dancer，好荣幸好开心曾经为佢伴舞。我仲记得佢仲请我哋食饭，对dancers好好。其后我做咗歌手，一直都觉得佢先系真正嘅舞台王者，冇人代替到。佢成笑住对dacners讲：‘畀心机，畀心机！’我真系有畀心机㗎。虽然过咗咁多年，相信全球歌迷都好锡Leslie。”

接着郭富城演唱张国荣第一首金曲金奖歌曲《有谁共鸣》，唱到一半郭富城说：“我好记得哥哥攞第一首金曲时，唱呢歌时话：‘我唱呢只哥唱到眼湿湿，以后我唱呢首歌都要笑住唱。’”全场观众一起拍手，场面感人。

音乐会结束前，哥哥与挚爱唐鹤德的合照出现在大银幕，唐唐录音献声悼念哥哥：“古人有一句说话系咁样讲：‘死而不亡者寿’，原来死亡并唔系一个终结。被遗忘嘅，先至系。好幸运，哥哥喺佢呢20几年嘅演艺生涯里面，佢演过好多令人印象深刻嘅角色；唱过好多动人心弦嘅歌曲；亦都留底咗好多姣、靓、型、寸嘅舞台表演，呢啲都成为咗我哋嘅集体回忆。更幸运嘅系，哥哥有一班一直以嚟都咁爱佢、咁锡佢、咁挂住佢嘅好朋友、哥迷同影迷。我喺呢度代表哥哥衷心咁多谢大家。今日（昨日）系一个特别嘅日子。我哋就衬住今晚呢个机会，一齐回忆哥哥嘅过去、回忆佢嘅真、善、美，延续对哥哥嘅爱同思念。继续宠爱，张国荣。”

完骚后，郭富城受访时表示对哥哥有好多难忘回忆，指自己刚出道时，哥哥已是天王巨星，但毫无架子，好锡dancers，所以他现在也很锡dancers，盼将这份精神传承下去。日前城城在美加举行巡回演唱会，并抽时间宣传新戏《断网》及《风再起时》，以及参与当地电影展并且得奖。城城说：“所以都担心行程赶唔切嚟今晚（昨晚）演出，好彩一切顺利。其实最难解决系时差问题，依家每朝8、9点先瞓到，我谂需要一、两个星期先调节番好。”而城城未有为得奖特别庆祝，自己热爱舞台，奖项是一种鼓励，放低后仍会努力工作。

张国荣与友经典图辑合集：