专访｜方皓玟5月开骚体重创新低 大方回应感情状况：钟意就去！
两年前的《Lost n Found》红馆演唱会，讲述的是由黑暗到光明、失去到复得的故事，经历过失去和低潮，更让人学懂活在当下。“活在当下”既是方皓玟（小明）现时的生活态度，亦是将于5月举行的《Katch Our Life方皓玟音乐会》个唱主题。小明坦言今次的音乐会没有高深、复杂的故事，只是单纯地希望入场观众玩得开心：“人生最紧要系开心，希望大家睇完骚可以放低生活上嘅压力。”
经历过失去学懂活在当下 希望观众关掉手机Enjoy The Show
有别于两年前故事性较重的《Lost n Found》演唱会，今次的音乐会以国际视野的概念为主，亦将小明心中所想的的画面呈现于乐迷眼前：“佢唔系好港式化嘅音乐会，外国感觉会强烈啲。舞台设计、舞蹈员嘅选取、舞蹈编排、歌曲嘅Rearrangement，成件事系概念化嘅东西。希望大家睇完会好轻松、好开心，好好玩。唔系一个语重心长要讲啲咩讯息嘅骚，纯粹好睇、开心嘅一场表演。”
音乐会主题为“活在当下”，小明坦言当经历过失去，就会学懂真正的活在当下：“所有嘢都冇必然，冇必然时，当你遇到一啲人同事，就要当下去珍惜佢、去享受佢。如果要送一句畀嚟睇骚嘅朋友，就系‘关掉手机’。睇咗骚先，唔好打卡住。”
花半年时间重组身形 创体重新低只得99磅
虽然距离音乐会还有两个月的时间，不过小明已经密锣紧鼓筹备中，由练声、排舞以至身形上的管理都不容忽视：“跳舞唔系自己强项但又钟意，唔叻又要跳，希望带到新嘅气氛畀大家...Fitness方面都用咗6个月时间去重组身形，步入一个Fit嘅状态去应付呢两场骚，而家状态系比两年前红馆时更加Fit。”
一星期操肌两至三日，加上饮食上的严格控制，她非常满意修身成果，更创下体重新低：“从来未试过咁轻，冲破咗极限，而家系99磅，正常磅数系103、104磅...拍咗个MV见到啲相，就觉得所有嘅挣扎都系值得，做完呢个骚会即刻食番个沙爹肥牛锅，同去打边炉。”
轻松面对疑遭港台杯葛传闻 深信好作品会为自己说话
谈到疑遭港台杯葛，令其歌曲未能入围《十大中文金曲》的传闻，小明先跟记者确认疑“被杯葛”的歌手名单，当得知有林家谦、许廷铿和RubberBand后，她笑说：“但呢堆系我最钟意嘅歌手，假如真系杯葛，咁点解杯一啲我最钟意嘅人，呢个其实系咪一个反面赞赏嚟㗎呢？”
她亦深信好作品会为自己说话：“而家嘅渠道实在太多，如果作品够好嘅话，唔需要特定某个平台去帮你说话，佢自然会说话，所以我Believe in做好自己本份就够啦，其余可唔可以去人哋嘅节目、颁奖礼，我都觉得冇咩所谓，有得上又OK，冇得上又唔Mind，都系做返自己嘢。”小明更搞笑指：“如果佢哋真系有杯葛我，我希望佢哋唔好杯葛我，因为我啲歌其实都几好听，哈哈哈。”
坚持做自己喜欢的事 无需介怀外界批评
坚持做自己从来不易，尤其是当外间有很多反对声音时，小明直言只要够钟意就不用介怀别人的想法：“做音乐又好，做人又好，自己钟意就得㗎啦。女仔要记住‘你系得嘅’，每当受到外间质疑，你记住呢一句会帮到自己好多。”
做自己喜欢的事是小明的生活态度，纵然可能会受到外界批评，她都认为与自己无关：“唔知点解EQ好高，动唔到我真气。所谓嘅Bad Comments，如果人哋讲嘅系事实，你又冇嘢好嬲，如果佢讲嘅唔系事实，就更加冇嘢要嬲，结论系，佢讲嘅系唔系事实都冇嘢好嬲，我就系怀住呢个信念向前行，做自己钟意嘅嘢就OK。”
音乐回归情歌 大方分享感情状况：我遇到啱就会去
至于今年的音乐大计，小明透露会回归情歌：“好多年冇唱情歌，讲社会、家庭，小朋友讲得多，我觉得情歌系不可或缺，任何年龄嘅人都需要情歌，今年会写返多少少情歌。希望有多啲爱情作品出现，我觉得好玩，有唔同类型嘅情歌出现。”
小明于两年前宣布与日籍丈夫离婚，婚姻阶段上的转变会成为她的创作灵感吗？她大方回应现时的感情状况：“而家好Welcome再去拍拖如果遇到啱嘅话，都系𠮶句，钟意就去，如果我遇到啱就会去，你哋睇住我去啦，请大家送上祝福。而家我物色紧，有再同大家分享。”
Make Up: YannesLee@ndnco.
Hair: Jimmy White@INDULGENCE
点击睇更多专访靓相：